Ar Aghaidh (CUID I. TOGHACHAN AGUS BALLRAIOCHT BHORDANNA CIMEADAITHE.)

32 1925


Uimhir 32 de 1925.


ACHT IASCAIGH, 1925.


ACHT CHUN NA FISHERIES (IRELAND) ACTS, 1842 TO 1909, AGUS AN tACHT IASCAIGH, 1924 , DO LEASÚ AGUS CHUN SOCRÚ DO DHÉANAMH CHUN DEIGHLEÁLAITHE I mBRADÁIN AGUS I mBRIC DO CHIMEÁD FÉ SMACHT AGUS I dTAOBH NITHE EILE A BHAINEAS LE hIASCACH SHAORSTÁIT ÉIREANN DO CHOSAINT. [11adh Iúl, 1925.]

ACHTUIGHEADH OIREACHTAS SHAORSTáIT ÉIREANN MAR LEANAS:—

ROIMHRA.

Gearr-theideal, léiriú, agus luadh.

1. —(1) Féadfar an tAcht Iascaigh, 1925 , do ghairm den Acht so.

(2) Léireofar an tAcht so mar éinní amháin leis na Fisheries (Ireland) Acts, 1842 to 1909, agus féadfar na hAchtanna Iascaigh, 1842 go 1925, do ghairm de sna hAchtanna san, den Acht Iascaigh, 1924 (Uimh. 6 de 1924) , den Acht Iascaigh (Toghachán Cimeádaithe do Chur ar Ath-ló), 1924 (Uimh. 43 de 1924) , agus den Acht so le chéile.

Tosach feidhme.

2. —Tiocfidh an tAcht so i ngníomh pé lá a ceapfar le hordú ón Aire go generálta no maidir le haon Chuid áirithe den Acht so, agus féadfar dátaí difriúla do cheapa chun Codacha difriúla den Acht so do thosnú ar bheith i bhfeidhm.

Mínithe.

3. —San Acht so—

cialluíonn an focal “an tAire” an tAire Iascaigh;

cialluíonn an focal “orduithe” orduithe le rialacháin do dhin an tAire fén Acht so;

cialluíonn an focal “bliain iascaigh” tréimhse dhá mhí dhéag dar tosach an 1adh lá de Dheire Fomhair agus dar críoch an 30adh lá den chéad Mheán Fhomhair ina dhiaidh sin;

foluíonn na focail “bradán,” “breac” agus “iasc” fé seach cuid de bhradán, cuid de bhreac, agus cuid d'iasc.