Foráil den Acht Airgid, (Diúitéthe Custum) (Uimh. 2), 1932

Conus a deintear an Fhoráil do Leasú no Deireadh do Chur léi

Eifeacht na Forála do Leasú no Deireadh do Chur léi

Alt 1, fo-alt (2).

Tré sna focail uile o sna focail “dá mbeadh sa Dara Sceideal” go dtí deireadh an fho-ailt do scriosadh amach agus tré sna focail “dá ndeintí na hearraí is ionchurtha fén diúité sin do luadh sa Dara Sceideal a ghabhann leis an Acht san sa liost d'earraí go gcuirtear dhá dtrian den lán-ráta i mbaint leo mar ráta tosaíochta” do chur isteach ina n-ionad.

Maidir le gach earra a hiomportálfar an 23adh lá de Mhí na Samhna, 1932, no dá éis sin.

Alt 3.

(a) Tré sna focail uile i bhfo-alt (2) o sna focail “bhí, toisc ráta tosaíochta” go dtí deireadh an fho-ailt do scriosadh amach agus tré sna focail “gur cuireadh trí cheathrú den lán-ráta i mbaint leo mar ráta tosaíochta agus go ndéanfaí na hearraí is ionchurtha fén diúité forchuirtear leis an alt so do chur sa liost san” do chur isteach ina n-ionad.

(b) Tríd an bhfo-alt so leanas do chur isteach i ndeireadh an ailt, sé sin le rá:—

“(3) Pé uair is dóich leis an Aire Airgid, tar éis do dul i gcomhairle leis an Aire Talmhaíochta, gur ceart san do dhéanamh, féadfaidh na Coimisinéirí Ioncuim, le ceadúnas, a údarú d'aon duine áirithe, fé réir cólíonadh pé coinníollacha is oiriúnach leo d'fhorchur, aon earraí is ionchurtha fén diúité forchuirtear leis an alt so d'iomportáil gan an diúité sin do bheith íoctha ortha, agus an iomportáil sin-do dhéanamh gan teora maidir le n-a ham no le n-a méid no maidir le ceachtar acu no go dteora áirithe maidir le n-a ham no le n-a méid, fé mar is dóich leis na Coimisinéirí Ioncuim is ceart.”

Maidir le gach carra a hiomportálfar an 23adh lá de Mhí na Samhna, 1932, no dá éis sin.

Alt 4.

Tré sna fo-ailt seo leanas do chur isteach i ndeireadh an ailt, sé sin le rá:—

“(4) Ní déanfar an diúité forchuirtear leis an alt so d'éileamh ná do ghearradh ar bhuinn chúmtha chúitsiúic ná ar shála cúmtha cúitsiúic ná fuil beartuithe ná nách féidir d'úsáid, dar leis na Coimisinéirí Ioncuim, ach amháin chun iad do ghreamú de bhuinn no de shála bhróga, bhróga ísle, shlipéidí, gholaisí, asa, no phaitíní iomlána, ná ní héileofar ná ní gearrfar an diúité sin ar choda d'aon bhuinn chúmtha chúitsiúic ná d'aon tsála cúmtha cúitsiúic den tsórt san. (5) Ní bhainfidh alt 6 den Customs and Inland Revenue Act, 1879, le haon earra is ionchurtha fén diúité forchuirtear leis an alt so.

(6) Aon earra is ionchurtha fén diúité forchuirtear leis an alt so agus a hath-iomportálfar isteach i Saorstát Éireann tar éis í d'easportáil amach as beidh sí saor ón diúité sin má cuirtear ina luighe ar na Coimisinéirí Ioncuim ina taobh—

(a) nár hiomportáladh an earra san sarar heasportáladh í, no

(b) gur hiomportáladh an earra san sarar heasportáladh í, ach ná raibh sí, le linn na hiomportála san, ionchurtha fé aon diúité, no

(c) gur hiomportáladh an earra san sarar heasportáladh í agus gur híocadh go cuibhe gach diúité do bhí ionchurtha uirthi ar í d'iomportáil amhlaidh agus nár lomháladh aon ais-tarrac ar i d'easportáil no gur haisíocadh leis na Coimisinéirí Ioncuim gach aistarrac do lomháladh amhlaidh.

(7) Ní tuigfear, maidir le hearraí nár hiomportáladh agus nár heasportáladh ach chun a dturuis do chríochnú, go ndearnadh iad d'iomportáil ná d'easportáil chun crícheanna an fho-ailt deiridh sin roimhe seo den alt so.”

O am an Achta so do rith.

Alt 5, fo-alt (1).

Tré sna focail “agus fós seachas rámhainní agus sluaiste ná fuil, dar leis na Coimisinéirí Ioncuim, oiriúnach ach chun iad d'úsáid i gcúrsaí tighis laistigh” do chur isteach i ndiaidh an fhocail “adhmaid” agus roimh an dara lúibín.

O am an Achta so do rith.

Alt 7.

(a) Tré sna focail agus na míreanna so leanas do chur isteach i ndeireadh fo-ailt (2), sé sin le rá:—

“ná

(l) ar aon chuid de bhall éadaigh no de chóir ghléasta phearsanta ná ar aon chabhair don chéanna is struic, suaitheantas, no sighin, dar leis na Coimisinéirí Ioncuim, ná (m) ar aon earra atá, dar leis na Coimisinéirí Ioncuim, déanta, ceaptha, agus beartuithe chun daoine dá húsáid mar chosaint ar dhíobháil no ar ghalar i gcúrsaí a bhfostaíochta.”

(b) Tré sna fo-ailt seo leanas do chur isteach i ndeireadh an ailt, sé sin le rá:—

“(7) Ní bhainfidh alt 6 den Customs and Inland Revenue Act, 1879, le haon earra is ionchurtha fén diúité forchuirtear leis an alt so.

(8) Aon earra is ionchurtha fén diúité forchuirtear leis an alt so agus a hath-iomportálfar isteach i Saorstát Éireann tar éis í d'easportáil amach as beidh sí saor ón diúité sin má cuirtear ina luighe ar na Coimisinéirí Ioncuim ina taobh—

(a) nár hiomportáladh an earra san sarar heasportáladh í, no

(b) gur hiomportáladh an earra san sarar heasportáladh í, ach ná raibh sí, le linn na hiomportála san, ionchurtha fé aon diúité, no

(c) gur hiomportáladh an earra san sarar heasportáladh í agus gur hiocadh go cuibhe gach diúité do bhí ionchurtha uirthi ar i d'iomportáil amhlaidh agus nár lomháladh aon ais-tarrac ar í d'easportáil no gur haisíocadh leis na Coimisinéirí Ioncuim gach ais-tarrac do lomháladh amhlaidh.

(9) Ní tuigfear, maidir le hearraí nár hiomportáladh agus nár heasportáladh ach chun a dturuis do chríochnú, go ndearnadh iad d'iomportáil ná d'easportáil chun crícheanna an fho-ailt deiridh sin roimhe seo den alt so.”

O am an Achta so do rith.

Alt 8. fo-alt (2).

Tríd an mír seo leanas do chur isteach i ndeireadh an fho-ailt, sé sin le rá:—

“(c) ar aon scuaba ná ar aon scuaba urláir a bheidh maisithe le hór, le hairgead, le plaitne, le heabhair, no le sliogán sceallbhuilg, no le hór no le hairgead i dteanta cruan-mhaithne.”

O am an Achta so do rith.

Alt 9.

(a) Tré sna focail “no chun a húsáidthe i ngréasadh troscáin no feithiclí” do scriosadh amach as fo-alt (4).

(b) Tré sna focail “gur cuireadh fé úcadh í” do scriosadh amach as fo-alt (6) agus tré sna focail “go ndearnadh do-fhlichte í no gur cuireadh fé úcadh í no gur cuireadh fén dá oibriú san í” do chur isteach ina n-ionad agus tré sna focail “í do chur fé úcadh” do scriosadh amach as an bhfo-alt céanna agus tré sna focail “í do dhéanamh do-fhlichte no í do chur fé úcadh no í do chur fén dá oibriú san” do chur isteach ina n-ionad.

(c) Tré sna fo-ailt seo leanas do chur isteach i ndeireadh an ailt, sé sin le rá:—

“(7) Ní déanfar an diúité forchuirtear leis an alt so d'éileamh ná do ghearradh ar aon earra fhighte go gcuirfear ina luighe ar na Coimisinéirí Ioncuim ina taobh go ndearnadh do-fhlichte i sarar hiomportáladh í tré thuaslagán chúitsiúic no tré thuaslagán dá shaghas do chur ar aon taobh di.

(8) Pé uair is deimhin leis na Coimisinéirí Ioncuim aon earra fhighte bheadh, mara mbeadh an fo-alt so, ionchurtha fén diúité forchuirtear leis an alt so do bheith oiriúnach agus beartuithe chun í d'úsáid i ngréasadh troscáin no feithiclí agus chuige sin amháin, féadfaidh na Coimisinéirí Ioncuim, fé réir cólíonadh pé coinníollacha is oiriúnach leo d'fhorchur, a cheadú an earra fhighte sin d'iomportáil gan an diúité forchuirtear leis an alt so do bheith íoctha uirthi.”

O am an Achta so do rith.

Alt 11.

Tríd an bhfo-alt so leanas do chur isteach i ndeireadh an ailt, sé sin le rá:—

“(6) Ní déanfar an diúité forchuirtear leis an alt so d'éileamh ná do ghearradh ar aon earra acu so leanas, sé sin le rá:—

(a) roithíní troscáin,

(b) fearaistí bheidh déanta, i bpáirt no go hiomlán, d'adhmad agus a bheidh oiriúnach chun iad d'úsáid chun glantóireachta tighis do dhéanamh tré shughrac,

(c) coda d'aon fhearaistí den tsaghas a luaidhtear sa mhír dheiridh sin roimhe seo,

(d) dréimirí,

(e) boscaodaí,

(f) pictiúirí,

(g) frámaí pictiúra.”

O am an Achta so do rith.