|
||||
|
[EN] | ||
Uimhir 23 de 1942. | ||
[EN] |
ACHT CEÁRD-CHUMANN, 1942. | |
[An tionntódh oifigeamhail.] |
ACHT DO LEASÚ AGUS DO LEATHNÚ NA nACHTANNA CEÁRD-CHUMANN, 1871 GO 1941. [9adh Mí na Nodlag,1942.] |
ACHTUITEAR AG AN OIREACHTAS MAR LEANAS:— | ||
[EN] |
Mínithe. |
1. —San Acht so— |
[EN] | cialluíonn an abairt “an tAire” an tAire Tionnscail agus Tráchtála; | |
[EN] | cialluíonn an abairt “Acht 1941” an t Acht Ceárd-Chumann, 1941 (Uimh. 22 de 1941) . | |
[EN] |
Brí na habairte “cólucht eiscithe” in alt 6 d'Acht 1941 do leathnú. |
2. —In alt 6 d'Acht 1941, folóidh an abairt “cólucht eiscithe” cólucht a mbeidh a bhaill uile ar fostú ag an aon fhostóir amháin agus a dhéanann margántaíocht chun págh no coinníollacha eile fostaíochta a bhall féin (ach ní haon fhostaithe eile) do cheapadh. |
[EN] |
Gan ceadúnas margántaíochta do bheith riachtanach i gcásanna áirithe. |
3. —(1) D'ainneoin éinní atá i bhfo-alt (1) d'alt 6 d'Acht 1941, cólucht a dhéanann margántaíocht ar bhord lena mbaineann an t-alt so ní bheidh air, de bhíthin amháin an mhargántaíocht san a dhéanamh, ceadúnas margántaíochta arna thabhairt amach fé Chuid II d'Acht 1941 do bheith aige. |
[EN] | (2) San alt so cialluíonn an abairt “bord lena mbaineann an t-alt so” cólucht ar bith aca so leanas, sé sin le rá:— | |
[EN] | (a) bord céirde arna bhunú fé na Trade Board Acts, 1909 and 1918, | |
[EN] | (b) an Bord Páigh Thalmhaíochta, | |
[EN] | (c) coiste arna bhunú fén Acht um Págh Talmhaíochta, 1936 (Uimh. 53 de 1936) , | |
[EN] | (d) coiste príntíseachta arna bhunú fén Acht Príntíseachta, 1931 (Uimh. 56 de 1931) , | |
[EN] | (e) có-chomhairle thionnscail arna hadmháil ag an Aire, có bhord réitigh no eadrascáin arna admháil amhlaidh, no aon chólucht den tsamhail sin arna admháil amhlaidh. | |
[EN] | (3) Deimhniú ón Aire á dheimhniú cólucht do bheith admhuithe aige chun crícheanna an ailt seo no gan a bheith, beidh sé ina fhianaise dho-chlaoite i ngach imeacht ar na nithe deimhneofar ann. | |
[EN] |
Oifigeach don Aire d'iniúchadh hláir de bhaill cheárd-chumainn in aisce. |
4. —(1) Beidh éifeacht ag mír (c) d'fho-alt (1) d'alt 12 d'Acht 1941 fé is dá bhforáladh sí, i dtaobh cláir de bhaill cheárd-chumainn a bheidh á choimeád de bhun an ailt sin, go ndéanfar, i gcás é d'iniúchadh ag oifigeach don Aire go n-údarás i scríbhinn aige chun an clár san d'iniúchadh, é choimeád ar oscailt chun a iniúchta in aisce. |
[EN] | (2) Beidh éifeacht ag mír (d) d'fho-alt (1) d'alt 13 d'Acht 1941 fé is dá bhforáladh sí, i dtaobh cláir de bhaill cheárd-chumainn a bheidh á choimeád de bhun an ailt sin, go ndéanfar, i gcás é d'iniúchadh ag oifigeach don Aire go n-údarás i scríbhinn aige chun an clár san d'iniúchadh, é choimeád ar oscailt chun a iniúchta in aisce. | |
[EN] |
Athchomharc i gcoinnibh diúltú do dhaoine do ghlacadh ina mbaill de cheárdchumann go n-aon-cheart có-eagruithe. |
5. —(1) Sara gcinnidh an Binse fé Chuid III d'Acht 1941 gur ag ceárd-chumann áirithe amháin a bheidh de cheart máistrí no fir oibre d'aicme áirithe do chó-eagrú, ceanglóidh an Binse ar an gceárd-chumann san a dheimhniú don Bhinse go gcuirfidh an ceárdchumann san i ngníomh, díreach ar an gcinneadh sin do bheith déanta, córas sásúil athchomhaire i gcoinnibh diúltú do dhaoine do ghlacadh ina mbaill den cheárd-chumann san agus go ndéanfaidh, faid a bheidh an cinneadh gan cúlghairm, an córas athchomhaire sin do choimeád i ngníomh agus éifeacht do thabhairt do na breitheanna do bhéarfar fé. |
[EN] | (2) Chun crícheanna fo-ailt (1) den alt so, ní tuigthe córas athchomhairc do bheith sásúil maran rud é— | |
[EN] | (a) go n-aontóidh an Binse leis, agus | |
[EN] | (b) go mbeidh socrú ann chun athchomhairc do bhreithniú ag eadrascánaidhe a n-aontóidh an Binse leis féin no le modh a cheaptha no, d'eile, ag cólucht athchomhairc a n-aontóidh an Binse leis féin no le modh a cheaptha. | |
[EN] | (3) Díreach ar chinneadh do bheith déanta fé Chuid III d'Acht 1941 gur ag ceárd-chumann áirithe amháin a bheidh de cheart máistrí no fir oibre d'aicme áirithe do chó-eagrú, cuirfidh an ceárdchumann san i ngníomh an córas athchomhairc, i gcoinnibh diúltú do dhaoine do ghlacadh ina mbaill den cheárd-chumann san, lenar aontuigh an Binse le linn an t-iarratas ar an gcinneadh d'éisteacht, agus déanfaidh, faid a bheidh an cinneadh gan cúlghairm, an córas athchomhairc sin do choimeád i ngníomh agus éifeacht do thabhairt do no breitheanna do bhéarfar fé. | |
[EN] | (4) Má cinntear fé Chuid III d'Acht 1941 gur ag ceárd-chumann áirithe amháin a bheidh de cheart máistrí no fir oibre d'aicme áirithe do chó-eagrú agus, faid a bheidh an cinneadh gan cúlghairm, go bhfailleoidh an ceárd-chumann san déanamh do réir aon cheanglais áirithe d'fho-alt (3) den alt so, beidh gach duine fé leith de na baill agus na hoifigigh den cheárd-chumann san a thoileoidh leis an bhfaillighe sin no urasóidh í agus, i gcás ceárd-chumainn arna chlárú fé na hAchtanna Ceárd-Chumann, 1871 go 1941, an ceárd-chumann féin ciontach, gach taobh aca, i gcionta fén alt so agus ar a chiontú ann ar an slí achmair dlighfear fíneáil ná raghaidh thar céad punt do chur air. | |
[EN] | (5) Léireofar an t-alt so mar éinní amháin le Cuid III d'Acht 1941 agus tiocfa sé i ngníomh ar an dáta ar a dtiocfaidh an Chuid sin III i ngníomh. | |
[EN] |
Forálacha áirithe d'Acht 1941 d'athghairm. |
6. —Athghairmtear leis seo na forálacha so leanas d'Acht 1941: mír (b) d'fho-alt (3) d'alt 6, fo-ailt (4), (5), agus (8) d'alt 6, agus alt 35. |
[EN] |
Gearr-theideal agus có-luadh. |
7. —(1) Féadfar an tAcht Ceárd-Chumann, 1942 , do ghairm den Acht so. |
[EN] | (2) Féadfar na hAchtanna Ceárd-Chumann, 1871 go 1942, do ghairm den Acht so agus na hAchtanna Ceárd-Chumann, 1871 go 1941, le chéile. |