SCEIDEAL

Rialacha i dtaobh Iocaiochtai Cuitimh.

1. Sna Rialacha so cialluíonn an abairt “na rann-íocanna oiriúnacha”, maidir le cabhair do bhéarfaidh údarás áitiúil do chumann maitheasa puiblí i slí no i slite dá luaidhtear i míreanna (b), (c) (d) agus (e) d'alt 4 den Acht so, na rann-íocanna d'fhéadfadh an tAire do dhéanamh do réir ailt 6 den Phríomh-Acht dá mb'é an t-údarás áitiúil féin a chuirfeadh na tithe iomchuibhe ar fáil le hairgead a thógfaidís ar iasacht suas go dtí méid ba chóionann leis an gcostas, arna chinneadh do réir na rialachán a déanfar chun crícheanna an Achta so, féna raghadh an cumann maitheasa puiblí chun na tithe sin do chur ar fáil.

2. I gcás an chabhair iomchuibhe do thabhairt sa tslí a luaidhtear i mír (b) d'alt 4 den Acht so agus sa tslí sin amháin, féadfaidh an tAire pé íocaíochta cúitimh a mheasfaidh is ceart do dhéanamh alos na cabhrach san ach gan luach caipitiúil na n-íocaíocht cúitimh do dhul thar luach caipitiúil na rann-íocanna oiriúnacha.

3. I gcás an chabhair iomchuibhe do thabhairt i slí no i slite dá luaidhtear i míreanna (c), (d) agus (e) d'alt 4 den Acht so agus mar sin amháin, féadfaidh an tAire pé íocaíocht chúitimh a mheasfaidh is ceart do dhéanamh alos luach na cabhrach san, arna chinneadh do réir na rialachán a déanfar chun crícheann an Achta so, ach gan an íocaíocht chúitimh do dhul thar luach caipitiúil na ranníocanna oiriúnacha.

4. I gcás an chabhair iomchuibhe do thabhairt go leathrannach sa tslí luaidhtear i mír (b) d'alt 4 den Acht so agus go leathrannach i slí no i slite dá luaidhtear i míreanna (c), (d) agus (e) den alt san, féadfaidh an tAire—

(a) pé íocaíochta cúitimh a mheasfaidh is ceart do dhéanamh alos na cabhrach do bhéarfar sa tslí luaidhtear sa mhír sin (b), ach gan luach caipitiúil na n-íocaíocht do dhul thar luach caipitiúil na rann-íocanna oiriúnacha, no

(b)     (i) pé íocaíocht chúitimh a mheasfaidh is ceart do dhéanamh alos an mhéid is luach, arna chinneadh do réir na rialachán a déanfar chun crícheanna an Achta so, don chabhair do bhéarfar i slí no i slite dá luaidhtear sna míreanna san (c), (d) agus (e), ach gan an íocaíocht chúitimh do dhul thar luach caipitiúil na rann-íocanna oiriúnacha, agus

(ii) más lugha de mhéid ar bith an íocaíocht chúitimh sin ná luach caipitiúil na rann-íocanna oiriúnacha, pé íocaíochta breise cúitimh a mheasfáidh is ceart do dhéanamh alos na cabhrach a bhéarfar sa tslí a luaidhtear sa mhír sin (b), ach gan luach caipitiúil na n-íocaíocht cúitimh breise do dhul thar an méid sin.