|
||||
|
An Chéad Lch. | Lch. Roimhe Seo (AN tACHT RIALTAIS ÁITIÚIL, 1946) | Ar Aghaidh (CUID II. Costais Udaras Áitiúla Airithe.) |
AN tACHT RIALTAIS ÁITIÚIL, 1946
[EN] | ||
[EN] |
CUID I. Reamhraiteach agus Ginearalta. | |
[EN] |
Gearr-theideal, comhluadh agus léiriú. |
1. —(1) Féadfar an tAcht Rialtais Áitiúil, 1946 , a ghairm den Acht seo. |
[EN] | (2) Féadfar na hAchta Rialtais Áitiúil, 1925 go 1946, a ghairm de na hAchta Rialtais Áitiúil, 1925 go 1941, agus den Acht seo le chéile. | |
[EN] | (3) Léireofar mar aon Acht amháin na hAchta Rialtais Áitiúil, 1925 go 1941, agus an tAcht seo. | |
[EN] |
Mínithe. |
2. —San Acht seo— |
[EN] | Acht 1941. |
ciallaíonn an abairt “Acht 1941” an t Acht Rialtais Áitiúil, 1941 (Uimh. 23 de 1941) ; |
[EN] | muirir ar an gcontae iomlán. |
tá leis an abairt “muirir ar an gcontae iomlán” an bhrí a sonraítear i bhfo-alt (2) d'alt 10 den Acht seo; |
[EN] | an ciste contae. |
tá leis an abairt “an ciste contae” an bhrí a sonraítear in alt 7 den Acht seo; |
[EN] | an ráta contae. |
tá leis an abairt “an ráta contae” an bhrí a sonraítear i bhfo-alt (1) d'alt 12 den Acht seo; |
[EN] | oidhreachtán. |
folaíonn an focal “oidhreachtán” tionóntán; |
[EN] | an tAire. |
ciallaíonn an abairt “an tAire” an tAire Rialtais Áitiúil agus Sláinte Poiblí; |
[EN] | an ciste bardasach. |
tá leis an abairt “an ciste bardasach,” maidir le húdarás uirbeach, an bhrí a sonraítear i bhfo-alt (1) d'alt 15 den Acht seo; |
[EN] | an ráta bardasach. |
tá leis an abairt “an ráta bardasach,” maidir le húdarás uirbeach, an bhrí a sonraítear i bhfo-alt (1) d'alt 18 den Acht seo; |
[EN] | ordaithe. |
ciallaíonn rud a bheith “ordaithe” é a bheith ordaithe ag an Aire le rialacháin arna ndéanamh faoin Acht seo; |
[EN] | údarás rátúcháin. |
ciallaíonn an abairt “údarás rátúcháin”— |
[EN] | (a) comhairle chontae, | |
[EN] | (b) bardas contae-bhuirge, nó | |
[EN] | (c) údarás uirbeach líomatáiste uirbigh; | |
[EN] | feidhm fhorcoimeádta. |
ciallaíonn an abairt feidhm fhorcoimeádta— |
[EN] | (a) maidir le comhairle chontae nó comhlacht toghaí chun críocha na n Acht um Bainistí Chontae, 1940 agus 1942, feidhm fhorcoimeádta chun críocha na nAcht um Bainistí Contae, 1940 agus 1942, agus | |
[EN] | (b) maidir le bardas contae-bhuirge, feidhm fhorcoimeáta chun críocha na nAcht a bhaineas le bainistí na buirge; | |
údarás bóthar. |
ciallaíonn an abairt “údarás bóthar”— | |
(a) comhairle chontae, | ||
(b) bardas contae-bhuirge, nó | ||
(c) údarás uirbeach líomatáiste uirbigh; | ||
muirir bhaile. |
tá leis an abairt “muirir bhaile” an bhrí a sonraítear i bhfo-alt (4) d'alt 10 den Acht seo; | |
líomatáiste uirbeach. |
ciallaíonn an abairt “líomatáiste uirbeach”— | |
(a) buirg seachas contae-bhuirg, nó | ||
(b) ceantar uirbeach; | ||
údarás uirbeach. |
ciallaíonn an abairt “údarás uirbeach” bardas nó comhairle (pé acu é) líomatáiste uirbigh; | |
muirir uirbeacha. |
tá leis an abairt “muirir uirbeacha” an bhrí a sonraítear i bhfo-alt (3) d'alt 10 den Acht seo; | |
ciste feabhsuithe chathartha toildheonach. |
ciallaíonn an abairt “ciste feabhsuithe chathartha toildheonach” ciste feabhsuithe chathartha toildheonach do réir bhrí an Achta Údarás Áitiúla (Bronntais a Ghlacadh), 1945 ( Uimh. 30 de 1945 ). | |
[EN] |
Tosach feidhme. |
3. —Tiocfaidh an tAcht seo i ngníomh pé lá nó lacthe a ceapfar chuige sin le hordú nó orduithe ón Aire, go ginearálta nó maidir le haon chríoch nó foráil áirithe, agus féadfar laethe difriúla a cheapadh amhlaidh chun críocha difriúla agus forála difriúla den Acht seo. |
[EN] |
Rialacháin. |
4. —Féadfaidh an tAire rialacháin a dhéanamh ag ordú aon ní nó ruda dá dtagartar san Acht seo mar ní nó rud atá ordaithe nó le hordú. |
[EN] |
Athghairm. |
5. —Déantar leis seo na hachtacháin a luaitear sa Chéad Sceideal a ghabhas leis an Acht seo a athghairm a mhéid a luaitear sa tríú colún den Sceideal sin. |
[EN] |
Achtacháin láithreacha a oiriúnú. |
6. —(1) Féadfaidh an tAire, le hordú, pé oiriúnuithe a dhéanamh, ar aon achtachán nó ordú a bheas i bhfeidhm tráth an Achta seo a rith agus a bhainfeas le ní ar bith dá ndéanann an tAcht seo difir, a mheasfas sé is gá chun go mbeadh éifeacht ag an achtachán i gcomhréir leis an Acht seo. |
[EN] | (2) Gach ordú a déanfar faoin alt seo, leagfar é faoi bhráid gach Tí den Oireachtas a luaithe is caothúil tar éis a dhéanta agus, má dhéanann ceachtar Teach acu sin, laistigh den lá agus fiche a shuífeas an Teach sin tar éis an t-ordú a leagadh faoina bhráid, rún a rith ag cur an orduithe ar neamhbhrí, beidh an t-ordú arna chur ar neamhbhrí dá réir sin ach sin gan dochar do bhailíocht aon ní a bheas déanta roimhe sin faoin ordú sin. |