An Chéad Lch. Lch. Roimhe Seo (CUID IV. An Coiste Taighde Thionscail.) Ar Aghaidh (CUID VI. An Stiurthoir Taighde agus Caighdean Tionscail.)

25 1946

AN tACHT TAIGHDE AGUS CAIGHDEÁN TIONSCAIL, 1946

[EN]
[EN]

CUID V.

An Coiste Caighdean.

[EN]

An Coiste Caighdeán.

11. —(1) Beidh comhlacht ann, dá ngairmfear an Coiste Caighdeán, chun na feadhma a ceaptar dó leis an Acht seo a chomhlíonadh.

[EN]

(2) Beidh an Coiste Caighdeán comhdhéanta de sheachtar comhaltaí, a mbeidh triúr acu, agus gan thar triúr acu, ina gcomhaltaí den Choiste Taighde Thionscail.

[EN]

(3) Ceapfaidh an tAire an Coiste Caighdeán i gceann gach trí mblian.

[EN]

(4) Bainfidh na rialacha atá sa Dara Sceideal a ghabhas leis an Acht seo le ceapadh, éirí as oifig agus cur as oifig comhaltaí den Choiste Caighdeán agus le himeachta an Choiste sin.

[EN]

An Coiste Caighdeán d'fheidhmiú feadhma áirithe de chuid na hInstitiúide.

12. —Gníomhóidh an Coiste Caighdeán in ainm agus thar ceann na hInstitiúide i bhfeidhmiú feadhma na hInstitiúide faoi alt 20 den Acht seo agus is gníomhartha ón Institiúid a bheas i ngníomhartha an Choiste sin i bhfeidhmiú na gcumhacht a bheirtear leis an alt seo.

[EN]

Luach saothair comhaltaí.

13. —Féadfar pé luach saothair agus costais a chinnfeas an Coiste Taighde Thionscail a íoc le comhaltaí an Choiste Chaighdeán as airgead a bheas faoina réir ag an Institiúid.