|
||||
|
An Chéad Lch. | Lch. Roimhe Seo (CUID II Forálacha Airgeadais) | Ar Aghaidh (Caibidil III Iasachtaí agus Deontais Tithíochta, etc.) |
ACHT NA dTITHE, 1966
[EN] | ||
[EN] |
Caibidil II Cúnamh le haghaidh Taighde, Traenála agus Comhlachtaí Áirithe | |
[EN] |
Cúnamh ón Aire le haghaidh taighde agus traenála áirithe. |
11. —(1) Féadfaidh an tAire, le toiliú an Aire Airgeadais, deontas nó iasacht a thabhairt, as airgead a sholáthróidh an tOireachtas, ar cibé téarmaí agus coinníollacha a chinnfidh an tAire— |
[EN] | (a) do chomhlacht a dhéanann, maidir le tithíocht, taighde a sheoladh nó traenáil a sholáthar, nó | |
[EN] | (b) do dhuine atá, ar an Aire á iarraidh sin nó lena chomhthoiliú, ag gabháil do thaighde maidir le tithíocht. | |
[EN] | (2) I gcás ina mbeartóidh an tAire deontas nó iasacht a thabhairt faoin alt seo maidir le hábhar ar dóigh don Institiúid Taighde Tionscail agus Caighdeán taighde a dhéanamh ina leith faoin Acht Taighde Tionscail agus Caighdéan, 1961 , is tar éis dó dul i gcomhairle leis an Aire Tionscail agus Tráchtála agus is ansin amháin a thabharfaidh an tAire an deontas nó an iasacht. | |
[EN] |
Cúnamh ó údarás tithíochta do chomhlachtaí áirithe. |
12. —(1) Féadfaidh údarás tithíochta, le toiliú an Aire agus ar cibé téarmaí agus coinníollacha is oiriúnach leo, cúnamh a thabhairt d'údarás tithíochta eile nó do chomhlacht lena mbaineann an t-alt seo i leith an t-údarás tithíochta eile nó an comhlacht do sholáthar cóiríocht tithíochta nó i leith ábhar éigin eile, i slí amháin nó níos mó acu seo a leanas : |
[EN] | (a) trí iasacht, | |
[EN] | (b) trí ranníoc tréimhsiúil a dhéanamh le cistí an údaráis eile nó an chomhlachta, | |
[EN] | (c) trí shuimeanna a bheidh dlite ón údarás eile nó ón gcomhlacht i leith airgead a fuarthas ar iasacht a ráthú. | |
[EN] | (2) Baineann an t-alt seo leis na comhlachtaí seo a leanas : | |
[EN] | (a) comhlacht ar dá chuspóirí ceann amháin ar a laghad acu seo a leanas : | |
[EN] | (i) teaghaisí a sholáthar do dhaoine scothaosta, | |
[EN] | (ii) teaghaisí a sholáthar a chabhróidh le ceann amháin nó níos mó de na príomh-chuspóirí a bhaint amach a gceanglaítear le fo-alt (3) d'alt 60 den Acht seo ar údarás tithíochta aird a bheith acu orthu, | |
[EN] | (iii) airgead a airleacan chun teaghaisí a sholáthar (lena n-áirítear athfhoirgniú nó ceannach), | |
[EN] | (iv) taighde maidir le tithíocht a sheoladh nó traenáil a sholáthar, | |
[EN] | (b) aon chomhlacht eile a cheadóidh an tAire chun críocha an ailt seo. | |
[EN] | (3) Féadfaidh údarás tithíochta, go haonarach nó i gcomhar le haon duine nó daoine eile, ráthaíocht faoin alt seo a thabhairt. | |
[EN] | (4) Is feidhm fhorcoimeádta cinneadh a dhéanamh ar ranníoc tréimhsiúil a dhéanamh nó iasacht nó ráthaíocht a thabhairt. |