|
||||
|
[EN] | ||
Uimhir 13 de 1973 | ||
[EN] |
AN tACHT CARTHANAS, 1973 | |
[An tiontú oifigiúil] |
ACHT DO LEASÚ AN DLÍ A BHAINEANN LE CARTHANAIS TRÍ CHUMHACHTAÍ CHOIMISINÉIRÍ NA dTABHARTAS AGUS NA dTIOMNACHTAÍ CARTHANÚLA d'ÉIRINN A MHÉADÚ AGUS TRÍD AN ACHT CARTHANAS, 1961 , A LEASÚ. [17 Iúil, 1973] |
ACHTAÍTEAR AG AN OIREACHTAS MAR A LEANAS: | ||||||
[EN] |
Léiriú. |
1. —(1) San Acht seo ciallaíonn “an Príomh-Acht” an tAcht Carthanas, 1961 . | ||||
[EN] | (2) Sna hAchtanna Carthanas, 1961 agus 1973, mura gcuirtear a mhalairt in iúl— | |||||
[EN] | (a) is é atá i dtagairt d'alt tagairt d'alt den Acht ina bhfuil an tagairt déanta, | |||||
[EN] | (b) is é atá i dtagairt in alt do fho-alt tagairt do fho-alt san alt ina bhfuil an tagairt déanta. | |||||
[EN] |
Scéimeanna corpraíochta d'iontaobhaithe carthanais. |
2. —(1) Féadfaidh an Bord, ar iarratas ó iontaobhaithe aon charthanais, scéim a chumadh faoina séala ag bunú, ar cibé téarmaí agus coinníollacha a shonróidh an Bord sa scéim, na n-iontaobhaithe sin mar chomhlacht corpraithe agus ag dílsiú maoin an charthanais don chomhlacht sin de réir alt 3. | ||||
[EN] | (2) I dtaca le scéim faoin alt seo— | |||||
[EN] | (a) féadfaidh forálacha a bheith inti i dtaobh roghnú daoine lena gceapadh, agus ceapadh daoine, chun an chomhlachta a chorprófar faoin scéim sin mar aon le forálacha i dtaobh bainistí na n-iontaobhas a bhaineann leis an gcarthanas ag an gcomhlacht sin nó thar a cheann; | |||||
[EN] | (b) féadfaidh forálacha a bheith inti á chur de cheangal ar aon duine nó á thabhairt de theideal dó aon doiciméad a thabhairt ar aird, a fhorghníomhú nó a thabhairt ar láimh nó aon ghníomh nó ní eile is gá a dhéanamh chun a áirithiú go ndéanfar maoin an charthanais a dhílsiú de réir na scéime; | |||||
[EN] | (c) féadfaidh cibé forálacha idirlinne, foghabhálacha agus forlíontacha a bheith inti a mheasfaidh an Bord a bheith riachtanach chun críocha na scéime; agus | |||||
[EN] | (d) féadfar í a leasú le haon scéim iardain a chumfaidh an Bord ar iarratas a dhéanamh ag an gcomhlacht corpraithe a bhunófar faoin scéim nó ag aon duine leasmhar. | |||||
[EN] | (3) Beidh ag comhlacht corpraithe a bhunófar le scéim faoin alt seo gnáthshéala agus cumhacht chun aon ghníomh nó ní a dhéanamh (lena n-áirítear talamh a theachtadh) a bheidh riachtanach chun na hiontaobhais a bhaineann leis an gcarthanas iomchuí a riaradh agus féadfaidh sé agairt nó féadfar é a agairt ina ainm corpraithe. | |||||
[EN] |
Forálacha breise i leith scéimeanna faoi alt 2. |
3. —(1) Déanfaidh scéim faoi alt 2 ag bunú comhlachta chorpraithe, gan aon fhorchinntiú breise ach faoi réir aistriú, nuair is gá, i leabhair aon bhainc, corparáide nó cuideachta, agus, i gcás talamh cláraithe, faoi réir fo-alt (2) a chomhlíonadh, maidir leis na hiontaobhais a bhaineann leis an gcarthanas, maoin an charthanais mar aon leis na cearta agus na dliteanais go léir a teachtadh nó a tabhaíodh i ndáil léi ag an duine nó na daoine a theacht an mhaoin díreach roimh an dáta feidhme ar iontaobhas don charthanas a dhílsiú don chomhlacht corpraithe, amhail ar an agus ón dáta a sonraítear sa scéim gurb é an dáta é a thiocfaidh an scéim i ngníomh (dá ngairtear an dáta feidhme san alt seo) ar feadh an eastáit, an téarma nó an leasa go léir ar teachtadh iad ar iontaobhas don charthanas ar a bhfeadh díreach roimh an dáta feidhme. | ||||
[EN] | (2) I gcás aon talamh a bhfuil a úinéireacht cláraithe faoin Acht um Chlárú Teidil, 1964 , a theacht chun bheith dílsithe le scéim faoin alt seo, déanfaidh an t-údarás clárúcháin faoin Acht sin, ar chóip faoi shéala an Bhoird den scéim a thabhairt ar aird agus ar an táille iomchuí a bheith íoctha, an comhlacht corpraithe a bunaíodh leis an scéim a chlárú sa chlár iomchuí a bheidh á choinneáil faoin Acht sin mar úinéir (de réir brí an Achta) na talún. | |||||
[EN] | (3) I gcás scéim a chumadh faoi alt 2— | |||||
[EN] | (a) déanfar, ar iarratas a dhéanamh ag an gcomhlacht corpraithe a bunaíodh faoin scéim nó a dhéanamh thar a cheann, an mhaoin go léir a aistreofar leis an scéim, agus a bheidh díreach roimh an dáta feidhme ar breacadh nó cláraithe i leabhair aon bhainc, corparáide nó cuideachta nó ar taifead in aon chlár a bhí á choinneáil de bhun aon achtacháin, a aistriú isteach in ainm an chomhlachta sin; | |||||
[EN] | (b) na fiacha agus na dliteanais go léir a tabhaíodh go cuí ag iontaobhaithe an charthanais lena mbaineann an scéim i ndáil le maoin an charthanais sin nó le riaradh na n-iontaobhas a bhaineann leis an gcarthanas sin agus a bhí, díreach roimh an dáta feidhme, dlite agus gan íoc nó a bhí tabhaithe amhlaidh ag na hiontaobhaithe agus gan ghlanadh acu, tiocfaidh siad chun bheith agus beidh siad, ar an dáta feidhme, ina bhfiacha agus ina ndliteanais de chuid an chomhlachta chorpraithe a bhunófar leis an scéim agus íocfaidh agus glanfaidh an comhlacht sin iad agus féadfar iad a ghnóthú ón gcomhlacht sin nó iad a fheidhmiú ina choinne dá réir sin; | |||||
[EN] | (c) na comhaontuithe go léir a rinneadh go cuí i ndáil le maoin an charthanais sin nó le riaradh na n-iontaobhas réamhráite agus nach mbeidh forghníomhaithe nó críochnaithe go hiomlán roimh an dáta feidhme, leanfaidh siad i bhfeidhm agus forléireofar iad agus beidh éifeacht acu amhail is dá mba é an comhlacht corpraithe a bunaíodh leis an scéim a rinne iad; agus | |||||
[EN] | (d) i ngach caingean, nó imeacht dlíthiúil eile, seachas imeachtaí maidir le cion líomhnaithe nó imeachtaí maidir le sárú iontaobhais líomhnaithe, i ndáil le maoin an charthanais sin nó a d'éirigh as riaradh nó maidir le riaradh na n-iontaobhas réamhráite agus a bhí ar feitheamh díreach roimh an dáta feidhme agus ar páirtí iontu na hiontaobhaithe réamhráite, cuirfear an comhlacht corpraithe a bunaíodh leis an scéim mar pháirtí in ionad na n-iontaobhaithe sin agus rachaidh na himeachtaí ar aghaidh dá réir sin. | |||||
[EN] | (4) Gach comhalta de chomhlacht a chorprófar de bhua scéime faoi alt 2, beidh sé, d'ainneoin an chorpraithe sin, | |||||
[EN] | (a) inmhuirir i leith maoin a thiocfaidh faoina láimh mar chomhalta den sórt sin, agus | |||||
[EN] | (b) i dtaca leis an gcarthanas lena mbaineann an scéim, cuntasach agus faoi dhliteanas as a ghníomhartha nó a neamhghníomhartha féin agus as riaradh cuí an charthanais agus maoin an charthanais, | |||||
[EN] | amhail is dá mba nár cumadh an scéim agus gur ceapadh go cuí é ina iontaobhaí ar an gcarthanas. | |||||
[EN] |
Cumhachtaí breise chun scéimeanna a chumadh i ndáil le maoin carthanais. 1885, c. 18. |
4. —(1) Más rud é— | ||||
[EN] | (a) ar iarratas a fháil ó iontaobhaithe carthanais a bunaíodh nó a rialaítear le reacht nó le cairt, gur deimhin leis an mBord tar éis na himthosca a fhiosrú go rachadh sé chun sochair don charthanas scéim den sórt a luaitear i bhfo-alt (2) a chumadh ina leith, agus | |||||
[EN] | (b) i ngeall ar fhoráil sa reacht nó sa chairt, nach mbeadh sé faoi réim na gcumhachtaí is infheidhmithe ar leith ón alt seo ag an mBord scéim den sórt sin a chumadh, | |||||
[EN] | ansin, d'ainneoin na forála, féadfaidh an Bord an scéim a chumadh agus, faoi réir fho-alt (10), beidh éifeacht ag an scéim de réir a téarmaí. | |||||
[EN] | (2) Déanfar scéim faoin alt seo a chumadh faoi shéala an Bhoird agus féadfaidh an scéim sin a chumasú d'iontaobhaithe carthanais— | |||||
[EN] | (a) le ceadú an Bhoird, aon talamh nó aon mhaoin eile de chuid an charthanais a dhíol, a léasadh, a mhalartú, a mhorgáistiú nó a mhuirearú, nó aon léas ar an talamh sin a thabhairt suas agus aon airgead as an gcéanna a chur chun feidhme nó a infheistiú chun sochair don charthanais nó chun aon chríche carthanúla eile is cuí leis an mBord, | |||||
[EN] | (b) faoi réir cibé téarmaí agus coinníollacha a cheadóidh an Bord, airgead a chruinniú nó a fháil ar iasacht ar shlí eile chun sochair don charthanas, | |||||
[EN] | (c) i gcás gur chun oideachas daoine de ghnéas áirithe a chur ar aghaidh an carthanas, sochar an charthanais a thabhairt freisin, ar fad nó go páirteach, de réir mar a shonrófar sa scéim, do dhaoine den ghnéas eile, | |||||
[EN] | (d) le ceadú an Bhoird, comhaontú a dhéanamh agus a chur in éifeacht le hiontaobhaithe carthanais amháin eile nó níos mó faoina dtiocfadh maoin gach carthanais acu faoi chomhrialú agus faoina gcuirfí chun feidhme nó chun úsáide í chun sochair do chríoch charthanúil chomhchoiteann a shonrófar san iarratas, ach sin ar an gcoinníoll nach ndéanfar an fhoráil sin roimhe seo a fhorléiriú mar fhoráil faoina bhféadfar maoin atá dílsithe d'iontaobhaithe chun sochair do charthanas chun oideachas a chur ar aghaidh a úsáid chun sochair do chríoch charthanúil nach críoch charthanúil í chun oideachas a chur ar aghaidh, | |||||
[EN] | (e) i gcás ina gceanglaíonn foráil i reacht nó i gcairt a luaitear i bhfo-alt (1) nach foláir gur comhaltaí d'aicme creidimh áirithe iontaobhaithe an charthanais, cibé líon daoine a bheidh sonraithe sa scéim, is é sin daoine nach comhaltaí den aicme creidimh sin, a cheapadh ina n-iontaobhaithe ar an gcarthanas. | |||||
[EN] | (3) Déanfar gach morgáiste nó muirear a cheadóidh an Bord de bhun scéim a chumfar faoin alt seo a chruthnú i cibé slí a cheadóidh an Bord agus beidh ann cibé coinníollacha (lena n-áirítear coinníollacha maidir le haisíoc airgead príomhshuime nó fuascailt nó atíolacadh talún a bheidh faoi réir an mhorgáiste nó an mhuirir) nó forálacha eile, más ann, a cheanglóidh an Bord. | |||||
[EN] | (4) Féadfaidh an Bord, ar iarratas a fháil ó iontaobhaithe an charthanais lena mbaineann scéim a chumfar faoin alt seo, an scéim sin a leasú nó a chúlghairm faoina séala. | |||||
[EN] | (5) Faoi réir fho-alt (8), ní dhéanfar scéim a chumadh, a leasú ná a chúlghairm go dtí go mbeidh mí caite ón am a mbeidh fógra poiblí go bhfuil sin beartaithe tugtha i cibé slí is fearr dar leis an mBord chun a phoibliú a áirithiú agus aird daoine leasmhara a tharraingt ar an mbeartú sin. | |||||
[EN] | (6) Maidir leis an bhfógra— | |||||
[EN] | (a) beidh ann (a mhéid is caothúil) dóthain sonraí faoin scéim, faoin leasú nó faoin gcúlghairm atá beartaithe, de réir mar is iomchuí, agus | |||||
[EN] | (b) forordóidh sé tréimhse réasúnach ina bhféadfar aon agóid ina aghaidh nó tuairim ina thaobh a chur faoi bhráid an Bhoird, agus breithneoidh an Bord aon agóidí agus tuairimí a chuirfear faoina mbráid amhlaidh agus féadfaidh siad tar éis comhairle a ghlacadh leis an duine nó na daoine a rinne an t-iarratas cuí faoin alt seo, gníomhú ina leith de réir mar is fóirsteanach leo. | |||||
[EN] | (7) Má mhodhnaíonn an Bord aon scéim, leasú nó cúlghairm a bheidh beartaithe, ní gá dóibh fógra faoin modhnú a thabhairt de réir fho-ailt (5) agus (6), murab inmhianaithe leis an mBord fógra breise a thabhairt. | |||||
[EN] | (8) I gcás ina mbeartóidh an Bord scéim a cumadh faoin alt seo a leasú agus gur dóigh an mBoird gur leasú foirmiúil nó mionleasú é, ní gá dóibh fógra faoin leasú beartaithe a thabhairt de réir fho-ailt (5) agus (6). | |||||
[EN] | (9) Féadfaidh scéim nó leasú ar scéim faoin alt seo a fhoráil go mbeidh éifeacht chúlghabhálach (lena n-áirítear éifeacht den sórt sin i leith dáta níos túisce ná dáta an Achta seo a rith) ag an scéim nó ag an leasú, nó ag aon fhoráil sa scéim nó sa leasú. | |||||
[EN] | (10) Ní dhéanfaidh aon ní san alt seo difear don Educational Endowments (Ireland) Act, 1885, arna leasú le halt 30 den Phríomh-Acht. | |||||
[EN] | (11) San alt seo ciallaíonn “reacht”— | |||||
[EN] | (a) Acht ón Oireachtas, | |||||
[EN] | (b) Acht ó Oireachtas Shaorstát Éireann, | |||||
[EN] | (c) Acht ó Pharlaimint shean-Ríocht Aontaithe na Breataine Móire agus na hÉireann, nó | |||||
[EN] | (d) Acht ó Pharlaimint a shuigh in Éirinn aon uair sular tháinig an Union with Ireland Act, 1800, i bhfeidhm. | |||||
[EN] |
Talamh a aistriú atá dilsithe don Bhord faoi alt 15 den Charitable Donations and Bequests (Ireland) Act, 1844. 1844, c. 97. |
5. —Más dóigh leis an mBord, ar iarratas a fháil ó aon duine leasmhar (dá ngairtear an t-iarratasóir san alt seo), agus tar éis na himthosca a fhiosrú, gurb inmhianaithe talamh atá dílsithe don Bhord de bhun alt 15 den Charitable Donations and Bequests (Ireland) Act, 1844, agus a bheidh sonraithe san iarratas, a dhílsiú don iarratasóir, féadfaidh an Bord ordú a dhéanamh i ndáil leis an talamh, agus oibreoidh an t-ordú, amhail ó cibé dáta a shonrófar san ordú (dá ngairtear an dáta feidhme san alt seo), chun go ndílseofar don iarratasóir an talamh ar feadh an eastáit, an téarma nó an leasa go léir ar a raibh sé, díreach roimh an dáta feidhme, ar teachtadh ar iontaobhas ag an mBord, mar aon leis na cearta agus na dliteanais a theacht nó a thabhaigh an Bord i ndáil leis an gcéanna díreach roimh an dáta feidhme. | ||||
[EN] |
Cumhacht an Bhoird chun orduithe dílseacháin áirithe a dhéanamh i ndáil le léasanna de bhun an Leases for Schools (Ireland) Act, 1881, agus léasanna eile chun críocha carthanúla. 1881, c. 65. |
6. —(1) Más rud é ar iarratas a dhéanamh ag duine a bhfuil leas aige i ndáil le talamh atá ar áireamh i léas a rinneadh de bhun an Leases for Schools (Ireland) Act, 1881, nó in aon léas eile a rinneadh chun críche carthanúla, gur deimhin leis an mBord— | ||||
[EN] | (a) nach eol cé hé an duine atá i dteideal leas an léasóra sa léas sin nó nach bhfuil fáil air, agus | |||||
[EN] | (b) go ndearna an t-iarratasóir gach beart réasúnach chun a fháil amach cé hé an duine sin nó cá bhfuil sé, | |||||
[EN] | faoi réir fho-alt (3), féadfaidh an Bord, más oiriúnach leo, ordú a dhéanamh faoin alt seo. | |||||
[EN] | (2) Beidh ordú faoin alt seo faoi shéala an Bhoird agus dílseoidh sé don duine nó do na daoine a bheidh sonraithe san ordú an talamh atá ar áireamh sa léas lena mbaineann an t-iarratas i leith an eastáit nó an leasa sin agus ar iontaobhas chun cibé críche carthanúla a bheidh sonraithe amhlaidh, mar aon le cibé cearta nó dliteanais, nó saortha nó urscaoilte ó cibé cearta nó dliteanais, i ndáil leis an talamh agus a bheidh sonraithe amhlaidh. | |||||
[EN] | (3) Ní dhéanfar ordú faoin alt seo go dtí go mbeidh dhá mhí caite ón am a mbeidh fógra poiblí go bhfuil sin beartaithe tugtha i cibé slí is fearr dar leis an mBord chun a phoibliú a áirithiú agus aird daoine leasmhara a tharraingt ar an mbeartú sin. | |||||
[EN] |
Costais agus caiteachais. |
7. —Féadfaidh an Bord a ordú go ndéanfar na costais agus na caiteachais a bhaineann agus a ghabhann le haon iarratas, ordú nó scéim a rinneadh nó a cumadh faoi alt 2, 4, 5 nó 6 a íoc nó a chruinniú as maoin an charthanais lena mbaineann nó as ioncam an charthanais sin, nó a iompar agus a íoc i cibé slí agus ag cibé daoine a mheasfaidh an Bord a bheith cóir. | ||||
[EN] |
Leasú ar alt 29 den Phríomh-Acht. |
8. —Leasaítear leis seo alt 29 den Phríomh-Acht— | ||||
[EN] | (a) trí “fiche a cúig míle punt luach an bhronntanais chartanúil” a chur in ionad “cúig mhíle punt luach an bhronntanais charthanúil” i bhfo-alt (2), agus | |||||
[EN] | (b) tríd an bhfo-alt seo a leanas a chur in ionad fho-alt (4): | |||||
[EN] | “(4) I gcás— | |||||
[EN] | (a) ina mbeidh scéim chun bronntanas carthanúil a chur chun feidhme cumtha le hordú ó Chúirt, agus | |||||
[EN] | (b) go mbeidh imthosca ann maidir leis an scéim a dtiocfadh de bharr iad a bheith ann maidir le bronntanas carthanúil go bhféadfaí an mhaoin a bheidh ar áireamh sa bhronntanas a chur chun feidhme cy-près, agus | |||||
[EN] | (c) nach mó ná fiche a cúig míle punt luach an bhronntanais charthanúil, | |||||
[EN] | féadfaidh an Bord, más oiriúnach leo, le hordú an scéim a chúlghairm agus scéim nua a chumadh ina hionad nó an scéim a chúlghairm go páirteach nó a leasú ar shlí eile, chun an mhaoin a bheidh ar áireamh sa bhronntanas carthanúil a chur chun feidhme cy-près.” | |||||
[EN] |
Leasú ar alt 32 den Phríomh-Acht. |
9. —Leasaítear leis seo an Príomh-Acht tríd an alt nua seo a leanas a chur in ionad alt 32: | ||||
| ||||||
[EN] |
Leasú ar alt 33 den Phríomh-Acht. |
10. —Leasaítear leis seo an Príomh-Acht tríd an alt nua seo a leanas a chur in ionad alt 33: | ||||
| ||||||
[EN] |
Leasú ar alt 34 den Phríomh-Acht. |
11. —Leasaítear leis seo an Príomh-Acht tríd an alt nua seo a leanas a chur in ionad alt 34: | ||||
| ||||||
[EN] |
Leasú ar alt 35 den Phríomh-Acht. |
12. —Cuirtear leis seo an fo-alt seo a leanas in ionad fho-alt (1) d'alt 35 den Phríomh-Acht: | ||||
[EN] | “(1) I gcás— | |||||
[EN] | (a) ina mbeidh aon talamh faoi réir íocaíochta tréimhsiúla is iníoctha le carthanas nó chun sochair do charthanas nó is inchurtha chun feidhme chun críocha carthanúla, agus | |||||
[EN] | (b) ina bhfaighidh an Bord iarratas— | |||||
[EN] | (i) ó iontaobhaithe an charthanais á chur in iúl gur bhuntáiste don charthanas é an íocaíocht thréimhsiúil a dhíol le húinéir na talún, nó | |||||
[EN] | (ii) ó úinéir na talún nó ó aon duine leasmhar eile á iarraidh ar an mBord a údarú dó an íocaíocht thréimhsiúil a fhuascailt, | |||||
[EN] | féadfaidh an Bord, más cuí leo, na himthosca a fhiosrú, agus más deimhin leo tar éis an fhiosraithe sin go bhféadfaí an díol nó an fhuascailt a bheidh beartaithe a dhéanamh ar théarmaí a bheadh buntáisteach don charthanas, féadfaidh siad a údarú do na hiontaobhaithe an íocaíocht thréimhsiúil a dhíol le húinéir na talún ar cibé téarmaí agus coinníollacha a mheasfaidh siad a bheidh sochrach don charthanas agus cibé treoracha a thabhairt chun a áirithiú go ndéanfar an t-airgead as an díol sin a infheistiú go cuí chun sochair don charthanas nó chun a áirithiú go gcuirfear an t-airgead sin chun feidhme go cuí chun cibé críocha carthanúla is cuí leo. I gcás ina n-údaróidh an Bord faoin alt seo íocaíocht thréimhsiúil a fhuascailt, déanfaidh na hiontaobhaithe lena mbaineann, gan mhoill mhíreasúnach, gach beart is gá chun an fhuascailt a chur i gcrích. Má tharlaíonn nach bhfuil aon iontaobhaithe ar an gcarthanas lena mbaineann nó nach eol cé hiad iontaobhaithe an charthanais sin, féadfaidh an Bord, tar éis cibé íocaíocht is iomchuí leo sna himthosca a fháil, an talamh a shaoradh agus a urscaoileadh, le hordú, ón íocaíocht thréimhsiúil.”. | |||||
[EN] |
Leasú ar alt 37 den Phríomh-Acht. |
13. —Leasaítear leis seo an Príomh-Acht tríd an alt nua seo a leanas a chur in ionad alt 37: | ||||
| ||||||
[EN] |
Leasú ar alt 43 den Phríomh-Acht. |
14. —Leasaítear leis seo an Príomh-Acht tríd an alt nua seo a leanas a chur in ionad alt 43: | ||||
| ||||||
[EN] |
Leasú ar alt 44 den Phríomh-Acht. |
15. —Leasaítear leis seo alt 44 den Phríomh-Acht tríd an méid seo a leanas a chur leis: | ||||
[EN] | “I gcás ina n-ordóidh an Bord bille costas a fhómhas agus a fhionnadh faoin alt seo, ní bheidh an t-aturnae lena mbaineann i dteideal aon chostas de bharr an ghnó lena mbaineann an bille costas seachas na costais sin arna bhfómhas agus arna bhfionnadh amhlaidh.”. | |||||
[EN] |
Leasú ar alt 52 den Phríomh-Acht. |
16. —Leasaítear leis seo an Príomh-Acht tríd an alt nua seo a leanas a chur in ionad alt 52: | ||||
| ||||||
[EN] |
Aisghairm. |
17. —Aisghairtear leis seo alt 20 den Phríomh-Acht. | ||||
[EN] |
Gearrtheideal, comhlua agus forléiriú. |
18. —(1) Féadfar an tAcht Carthanas, 1973 , a ghairm den Acht seo. | ||||
[EN] | (2) Féadfar na hAchtanna Carthanas, 1961 agus 1973, a ghairm den Phríomh-Acht agus den Acht seo le chéile. | |||||
[EN] | (3) Forléireofar an Príomh-Acht agus an tAcht seo le chéile mar aon Acht amháin. |