SCEIDEAL F

Ainmniú

Is mar seo a leanas a bheidh na rialacha ainmniúcháin le linn na chéad bhonntréimhse:

(a) Déanfar rannpháirtithe atá faoi réir a n-ainmnithe faoi Airteagal XIX, Alt 5 (a) (i), a ainmniú i leith méideanna a bhéarfaidh le himeacht ama gur comhionann na coibhnis idir sealbháin na rannpháirtithe de chearta tarraingthe speisialta de bhreis ar a nglan-leithroinnteanna carnacha agus a sealbháin oifigiúla óir agus iomlaoide coigríche.

(b) An fhoirmle chun éifeacht a thabhairt do (a) thuas is foirmle de shórt a bheidh inti go ndéanfar rannpháirtithe atá faoi réir a n-ainmnithe a ainmniú:

(i) ar comhréir lena sealbháin oifigiúla óir agus iomlaoide coigríche nuair is comhionann na coibhnis a thuairiscítear in (a) thuas; agus

(ii) ar mhodh a laghdóidh de réir a chéile an difear idir na coibhnis a thuairiscítear in (a) thuas atá íseal agus na coibhnis atá ard.