Ar Aghaidh (AN CHÉAD SCEIDEAL. FIRST SCHEDULE.)

5 1922


Uimhir 5 de 1922.


ACHT UM BUANÚ DLITHE ATÁ AG DUL IN EUG, 1922.


ACHT CHUN DLITHE ÁIRITHE ATÁ AG DUL IN EUG DO BHUANÚ. [21adh Mí na Nodlag, 1922.]

DE BHRÍ go bhfuil na hAchtanna atá luaidhte i Sceidil a hAon, a Dó agus a Trí den Acht so sa mhéid go bhfuilid i bhfeidhm i Saorstát Éireann agus sa mhéid gur diombuan a ré go bhfuilid fuinte chun dul in eug an chuid aca atá luaidhte sa Chéad Sceideal a ghabhann leis an Acht so ar an 31adh lá de Mhí na Nodlag 1922 an ceann aca atá luaidhte sa Dara Sceideal a ghabhann leis an Acht so ar an 18adh lá d'Fheabhra 1923 sa mhéid go mbaineann sé le bóithre tram agus ar an 31adh lá de Lughnasa 1923 sa mhéid go mbaineann sé le cúrsaí eile agus an ceann aca atá luaidhte sa Treas Sceideal a ghabhann leis an Acht so ar an 15adh lá d'Fheabhra 1923:

AGUS DE BHRÍ go ndeaghaidh na hAchtanna atá luaidhte sa Cheathrú Sceideal a ghabhann leis an Acht so in eug ar an 31adh lá de Lughnasa 1922 sa mhéid go rabhadar i bhfeidhm i Saorstát Éireann agus sa mhéid gur diombuan a ré:

AGUS DE BHRÍ go bhfuil sé oiriúnach go soláthrófa chun aith-bheochaint agus buanú mar atá luaidhte san Acht so do dhéanamh ar na hAchtanna atá luaidhte sna Sceidil a ghabhann leis an Acht so agus ar na hAchtanna a dhineann leasú nó éinní eile ar an gcéanna agus maidir leis na hAchtanna roimh-ráite atá luaidhte sa Cheathrú Sceideal a ghabhann leis an Acht so chun an aith-bheochaint agus an buanú san do shíne siar go dtí an dáta d'eug na hAchtanna san mar roimh-ráite:

ACHTUIGHEADH OIREACHTAS SHAORSTÁIT ÉIREANN AR AN ÁBHAR SAN MAR LEANAS:—

Buanú na n-Achtanna atá sna Sceidil.

1. —(1) Déanfar na hAchtanna atá luaidhte i Sceidil a hAon, a Dó agus a Trí a ghabhann leis an Acht so do bhuanú sa mhéid atá luaidhte i gColún 3 de sna Sceidil sin go dtí an 31adh lá de Mhí na Nodlag 1923 agus raghaid in eug ansan mara ndéanfar iad do bhuanú a thuille.

(2) Déanfar na hAchtanna atá luaidhte sa Cheathrú Sceideal a ghabhann leis an Acht so do bhuanú sa mhéid atá luaidhte i gColún 3 den Sceideal san go dtí an 31adh lá de Mhí na Nodlag 1923 agus raghaid in eug ansan mara ndéanfar iad do bhuanú a thuille agus sínfidh an buanú a dhineann an fo-alt so siar go dtí an dáta d'eug na hAchtanna san i dtreo go ndleathóidh sé gach gníomh agus gach ní a dineadh le hintinn a dhéanta fé sna hAchtanna san fé seach ón ndáta san i leith ach ní dhéanfaidh an síne siar san mí-dhleathach aon ghníomh a dineadh idir an dáta d'eug na hAchtanna roimh-ráite agus dáta rithte an Achta so ná beadh mí-dhleathach dá mba ná sínfeadh an fo-alt so siar.

(3) Buanófar ar an gcuma gcéanna, sa mhéid gur diombuan a ré, pe'ca táid luaidhte sa Sceideal a ghabhann leis an Acht so no ná fuilid aon Achtanna gan aith-ghairm a dhineann leasú no éinní eile ar na hAchtanna a buanuítear leis an Acht so.

Gearr-Theideal.

2. —Féadfar Acht um Buanú Dlithe atá ag dul in Eug, 1922 , do ghairm den Acht so.