|
|||||
|
An Chéad Lch. | Lch. Roimhe Seo (CUID I. Roimhraiteach agus Generalta.) | Ar Aghaidh (CUID III. Liuntaisi do Threoraithe Pairtithe Airithe i nDail Éireann.) |
ACHT UM OIFIGÍ AIREACHTA AGUS PÁIRLIMINTE, 1938
[EN] | ||
[EN] |
CUID II. Luach Saothair Comhaltai den Riaghaltas, Runaithe Pairliminte, an Ard-Aighne, agus Cathaoirligh agus Leas-Chathaoirligh Dhail Éireann agus Sheanad Éireann. | |
[EN] |
Luach saothair Comhaltaí den Riaghaltas agus Rúnaithe Páirliminte. |
3. —(1) Íocfar mar thuarastal leis an Taoiseach suim bhliantúil ná raghaidh thar suim £2,500 agus íocfar mar thuarastal le gach comhalta eile den Riaghaltas suim bhliantúil ná raghaidh thar suim £1,700. |
[EN] | (2) In ionad fo-ailt (5) d'alt 7 den Acht Airí agus Rúnaithe, 1924 ( Uimh. 16 de 1924 ), a hathghairmtear leis an Acht so, achtuítear leis seo go ndéanfar suim bhliantúil ná raghaidh thar suim £1,200 d'íoc mar thuarastal le gach Rúnaí Páirliminte ar n-a cheapadh fén alt san 7 agus ná beidh dearbhuithe, le téarmaí a cheapacháin, é bheith á cheapadh gan tuarastal. | |
[EN] | (3) Einne bheidh i dteideal tuarastal d'fháil fén alt so ní híocfar níos mó ná aon tuarastal amháin den tsórt san leis aon tráth áirithe. | |
[EN] | (4) Ní raghaidh líon iomlán na ndaoine bheidh ag fáil tuarastal fén alt so aon tráth áirithe thar dó is fiche. | |
[EN] |
Luach saothair an Ard-Aighne. |
4. —Íocfar mar thuarastal leis an Ard-Aighne suim bhliantúil ná raghaidh thar suim £2,500. |
[EN] |
Luach saothair Cathaoirligh agus Leas-Chathaoirligh Dháil Éireann. |
5. —(1) Íocfar mar thuarastal le Cathaoirleach Dháil Éireann suim bhliantúil ná raghaidh thar suim £1,700 agus íocfar mar thuarastal le Leas-Chathaoirleach Dháil Éireann suim bhliantúil ná raghaidh thar suim £1,000. |
[EN] | (2) Pé uair a scuirfear Dáil Éireann agus ná beidh an duine ba Chathaoirleach ar Dháil Éireann díreach roimh Dháil Éireann do scur tar éis a chraoladh do Dháil Éireann roimh an scur san nach mian leis teacht chun bheith ina chomhalta de Dháil Éireann san olltoghachán a bheidh ann de dhruim an scurtha san, leanfaidh an tuarastal is iníoctha fén alt so leis an duine sin de bheith á íoc leis go dtí go ndéanfar, ar Dháil Éireann do theacht le chéile arís tar éis an scurtha san, a chomharba do cheapadh. | |
[EN] |
Luach saothair Cathaoirligh agus Leas-Chathaoirligh Sheanad Éireann. |
6. —(1) Íocfar mar thuarastal le Cathaoirleach Sheanad Éireann suim bhliantúil ná raghaidh thar suim £1,200 agus íocfar mar thuarastal le Leas-Chathaoirleach Sheanad Éireann suim bhliantúil ná raghaidh thar suim £750. |
[EN] | (2) Pé uair a bheidh olltoghachán ann i gcóir Seanad Éireann, leanfaidh an tuarastal is iníoctha fén alt so leis an duine ba Chathaoirleach ar Sheanad Éireann an lá roimh an lá vótaíochta san olltoghachán san de bheith á íoc leis an duine sin go dtí go ndéanfar, ar Sheanad Éireann do theacht le chéile arís tar éis an olltoghacháin sin, a chomharba do cheapadh. | |
[EN] |
Forálacha foirlíontacha maidir le tuarastail. |
7. —(1) Má dheineann comhalta den Oireachtas is sealbhóir oifige luaidhtear sa Chuid seo den Acht so fógra i scríbhinn do thabhairt don Aire Airgeadais á rá gur mian leis gan ach an oiread san den tuarastal a ghabhann leis an oifig sin do tharrac agus is có-ionann leis an gcuid shaortha, ní híocfar leis an duine sin alos an tuarastail sin ach suim is có-ionann leis an gcuid shaortha. |
[EN] | (2) San alt so nuair a húsáidtear an abairt “an chuid shaortha” maidir le tuarastal, cialluíonn sí an oiread san den tuarastal san agus atá, de bhuadh fo-ailt (5) d'alt 3 d'Acht an Oireachtais (Liúntaisí do Chomhaltaí), 1938 ( Uimh. 34 de 1938 ), saor o cháin ioncuim (le n-a n-áirmhítear for-cháin). | |
[EN] |
Tuarastail d'íoc amach as airgead ar n-a sholáthar ag an Oireachtas. |
8. —Is amach as airgead ar n-a sholáthar ag an Oireachtas a híocfar gach tuarastal is iníoctha fén gCuid seo den Acht so. |