|
|||||
|
An Chéad Lch. | Lch. Roimhe Seo (CUID VI. Forala Airgeadais.) | Ar Aghaidh (CUID VIII. Forala Diomuana.) |
ACHT NA nALTRAN, 1950
[EN] | ||
[EN] |
CUID VII. Ilghneitheach. | |
[EN] |
Comhairle agus tuarascála ón mBord. |
65. —(1) Bhéarfaidh an Bord comhairle don Aire i dtaobh aon ní, maidir le haltranas, a mbeidh sé tar éis comhairle ina thaobh d'iarraidh ar an mBord. |
[EN] | (2) Féadfaidh an Bord pé comhairle agus tuarascála is oiriúnach leo, maidir le haltranas, a thabhairt don Aire. | |
[EN] | (3) Féadfaidh an Bord, le toiliú an Aire, comhairle a thabhairt d'údarás sláinte maidir le heagraíocht seirbhísí altranais laistigh de líomatáiste feidhmiúcháin an údaráis sláinte. | |
[EN] |
Taighde ag an mBord maidir le haltranas. |
66. —Féadfaidh an Bord, agus má cheanglann an tAire orthu é dlífid, taighde a dhéanamh, nó a chur á dhéanamh, ar nithe a bhaineas le heagraíocht nó cleachtadh an altranais nó le hoiliúint altran. |
[EN] |
Bronntanais. |
67. —(1) Féadfaidh an Bord bronntanais airgid, talún nó maoine eile a ghlacadh ar pé iontaobhais agus coinníollacha, más ann, a shonrós an bronntóir. |
[EN] | (2) Ní ghlacfaidh an Bord bronntanas má bhíonn na coinníollacha a chuirfeas an bronntóir ag gabháil lena ghlacadh ar neamhréir le feidhmeanna an Bhoird. | |
[EN] |
Acht 1944 a leasú. |
68. —(1) Déantar leis seo Acht 1944 a leasú mar leanas:— |
[EN] | (a) déanfar na tagairtí in alt 26, i bhfo-ailt (1), (2) agus (3) d'alt 27, i bhfo-ailt (1) agus (2) d'alt 32, na chéad trí tagairtí i bhfo-alt (3) d'alt 32, an dara tagairt in alt 33, agus an tagairt in alt 34, do Phríomh-Bhord na mBan Cabhartha, a léiriú mar thagairtí don Choiste a bunaítear leis an Acht seo; | |
[EN] | (b) déanfar na tagairtí, i bhfo-ailt (5) agus (6) d'alt 27, in alt 30, in alt 31, an tagairt deiridh i bhfo-alt (3) d'alt 32, an chéad tagairt in alt 33, agus na tagairtí in ailt 43, 44, 47, 48, 50, 51, 53, 58, 59 agus 62, do Phríomh-Bhord na mBan Cabhartha, a léiriú mar thagairtí don Bhord a bunaítear leis an Acht seo; | |
[EN] | (c) déanfar na tagairtí don rolla de mhná cabhartha a léiriú mar thagairtí do roinn na mban cabhartha; agus | |
[EN] | (d) déanfar na tagairtí do rialacha arna ndéanamh faoi Acht 1944 a léiriú mar thagairtí do rialacha arna ndéanamh faoi alt 21 den Acht seo. | |
[EN] | (2) Tiocfaidh fo-alt (1) den alt seo i ngníomh ar an dáta bunuithe. | |
[EN] | (3) Ní thabharfaidh an tAire aon cheadú le rialacha a déanfar chun críocha ailt 43 d'Acht 1944 ach amháin tar éis dul i gcomhairle le Comhairle Chláraitheachta na nDochtúirí Leighis a bunaíodh le h Acht na nDochtúirí Leighis, 1927 (Uimh. 25 de 1927) , agus beidh de dhualgas ar an mBord aon rialacha a beartófar a dhéanamh chun críocha an ailt sin a chur in iúl do Chomhairle Chláraitheachta na nDochtúirí Leighis. |