|
|||||
|
Ar Aghaidh (AN SCEIDEAL. Achtacháin a hAthghairmtear.) |
[EN] | ||
Uimhir 31 de 1954. | ||
[EN] |
ACHT NA MÍNGEACHA MILLTEACHA AGUS NA LOITMHÍOLA, 1954. | |
[An tiontó oifigiúil.] |
ACHT DO THABHAIRT RÉIME D'ACHTA NA bhFEATHAID AGUS NA bPIAST LOITBHEARTACHA, 1877 GO 1929, MAIDIR LE GNÍOMHAIRÍ CHUN COSC BITHEOLAÍOCHTA A CHUR LE LOITMHÍOLA PLANDAÍ AGUS D'ATHGHAIRM ACHTACHÁN ÁIRITHE. [9ú Nollaig, 1954.] |
ACHTAÍTEAR AG AN OIREACHTAS MAR LEANAS:— | ||
[EN] |
“Na hAchta”. |
1. —San Acht seo ciallaíonn “na hAchta” Achta na bhFeathaid agus na bPiast Loitbheartacha, 1877 go 1929. |
[EN] |
Réim a thabhairt do na hAchta maidir le gníomhairí chun cosc bitheolaíochta a chur le loitmhíola plandaí. |
2. —Nuair a húsáidtear sna hAchta “insect” nó “feathaid” (is ionann agus “míng” san Acht seo), ansin, i dteannta na mbríonna a bheirtear dó leis na hAchta, folóidh sé gníomhairí chun cosc bitheolaíochta a chur le loitmhíola plandaí, eadhon, seadáin, orgnóirí agus mion-orgánachtaí, ar gach céim nó staid forbartha, a húsáidtear chun cosc a chur le míngeacha, do réir bhrí na nAcht. |
[EN] |
Alt 7 d'Acht na bhFeathaid agus na bPiast Loitbheartacha, 1929 , a leasú. |
3. —In alt 7 (a bhaineas le costais) d'Acht na bhFeathaid agus na bPiast Loitbheartacha, 1929 (Uimh. 7 de 1929) , forléireofar na tagairtí don Acht sin mar thagairtí a fholaíos tagairtí don Acht seo. |
[EN] |
Athghairm. |
4. —Athghairmtear leis seo na hachtacháin atá leagtha amach sa Sceideal a ghabhas leis an Acht seo a mhéid a luaitear i gcolún (3) den Sceideal sin. |
[EN] |
Gearrtheideal agus lua. |
5. —(1) Féadfar Acht na Míngeacha Millteacha agus na Loitmhíola, 1954 , a ghairm den Acht seo. |
[EN] | (2) Féadfar Achta na Míngeacha Millteacha agus na Loitmhíola, 1877 go 1954, a ghairm de na hAchta agus den Acht seo le chéile. |