|
|||||
|
Ar Aghaidh (An Achomaireacht ar Sceidil A agus B dá dTagartar san Acht seo.) |
[EN] | ||
Uimhir 32 de 1956. | ||
[EN] |
AN tACHT LEITHREASA, 1956. | |
[An tiontó oifigiúil.] |
ACHT DO CHUR SUIM ÁIRITHE AS AN bPRÍOMH-CHISTE CHUN SEIRBHÍSE NA BLIANA DAR CRÍOCH AN tAONÚ LÁ TRÍOCHAD DE MHÁRTA, MÍLE NAOI gCÉAD CAOGA A SEACHT, DO LEITHREASÚ NA SUIMEANNA A DEONADH LEIS AN ACHT PRÍOMH-CHISTE, 1956 , AGUS A DEONTAR LEIS AN ACHT SEO, CHUN NA SEIRBHÍSÍ SOLÁTHAIR AGUS NA CRÍOCHA CUÍ, AGUS DO DHÉANAMH SOCRUITHE ÁIRITHE MAIDIR LE hIASACHT D'FHÁIL. [3 Lúnasa, 1956.] |
ACHTAÍTEAR AG AN OIREACHTAS MAR LEANAS:— | ||
Deontais as an bPríomh-Chiste. | ||
[EN] |
£73,093,280 d'eisiúint as an bPríomh-Chiste i gcóir na bliana 1956-57. |
1. —Féadfaidh an tAire Airgeadais suim seachtó agus trí mhilliún, nócha agus trí mhíle, dhá chéad agus ochtó punt d'eisiúint as an bPríomh-Chiste agus í a chur chun slánuithe an tsoláthair a deonadh i gcóir seirbhíse na bliana dar críoch an t-aonú lá tríochad de Mhárta, míle, naoi gcéad, caoga a seacht. |
[EN] |
Cumhacht don Aire Airgeadais chun suim nach mó ná £73,093,280 a thógaint ar iasacht. |
2. —(1) Féadfaidh an tAire Airgeadais aon tsuim nó suimeanna nach mó san iomlán ná seachtó agus trí mhilliún, nócha agus trí mhíle, dhá chéad agus ochtó punt a thógaint ar iasacht ó dhuine ar bith agus féadfaidh Banc na hÉireann an céanna d'airleacan den Aire Airgeadais, agus chun an céanna a thógaint ar iasacht féadfaidh an tAire Airgeadais urrúis ar bith a chruthú agus d'eisiúint agus iad faoi pé ráta úis, agus fós faoi réir pé coinníoll i dtaobh aisíoca nó fuascailte nó eile, is oiriúnach leis. |
[EN] | (2) Is ar an bPríomh-Chiste nó ar a thoradh fáis a bheas muirear príomhshuime agus úis aon urrús a heiseofar faoin Acht seo agus muirear na gcostas faoina raghfar i dtaobh na hurrúis sin d'eisiúint. | |
[EN] | (3) Déanfar aon airgead a crainneofar trí urrúis arna n-eisiúint faoin Acht seo a chur i gcreidiúnas do chuntas an Stát-Chiste agus beidh sé ina chuid den Phríomh-Chiste agus beidh sé ar fáil in aon tslí ina mbeidh an Príomh-Chiste ar fáil. | |
[EN] | Deontais a Leithreasú. | |
[EN] |
Suimeanna a vótáladh i gcóir seirbhísí soláthair, eadhon, £114,797,738, a leithreasú. |
3. —(1) Na suimeanna uile a deontar as an bPríomh-Chiste, leis an Acht seo agus leis an Acht eile a luaitear i Sceideal A a ghabhas leis an Acht seo, chun slánuithe an tsoláthair a deonadh agus a ndéanann a n-iomlán, mar is léir ón Sceideal sin, suim céad agus ceithre mhilliún déag, seacht gcéad agus nócha agus seacht míle, seacht gcéad tríocha agus ocht bpuint, déantar iad a leithreasú agus measfar iad a bheith arna leithreasú, amhail ó dháta na nAcht a luaitear sa Sceideal sin A a rith, chun na seirbhísí agus na críocha a luaitear i Sceideal B a ghabhas leis sin. An achomaireacht ar sceidil agus na sceidil a ghabhas léi sin, maraon leis an nóta (más ann), a ghabhas leis na sceidil sin, measfar gur cuid den Acht seo iad amhail is dá mbeidís i gcorp an Achta seo. |
[EN] | (2) I dteannta na suimeanna a deontar as an bPríomh-Chiste agus dá dtagartar sa bhfo-alt sin roimhe seo den alt seo, féadfar na suimeanna a taispeántar faoi seach sa cholún deiridh de Sceideal B a ghabhas leis seo agus a ndéanann a n-iomlán, mar is léir ón Sceideal sin, suim sé mhilliún, sé chéad agus naoi míle déag, seacht gcéad agus naoi bpuint d'úsáid as aon airgead a n-ordaítear faoi alt 2 den Public Accounts and Charges Act, 1891, é d'úsáid mar leithreasa-i-gcabhair do na deontais i gcóir na seirbhísí agus na críocha a sonraítear sa Sceideal sin. | |
[EN] |
Gearrtheideal. |
4. —Féadfar an tAcht Leithreasa, 1956 , a ghairm den Acht seo. |