|
|||||
|
AN tACHT PRAGHSANNA, 1958
[EN] | ||
[EN] |
AN DARA SCEIDEAL Coistí Comhairlitheacha Praghsanna. | |
[EN] | ||
[EN] | An Painéal. | 1. Sa Sceideal seo, ciallaíonn “an Painéal” Painéal na gCoistí Comhairlitheacha Praghsanna a bheidh le coimeád faoi mhír 2 den Sceideal seo. |
[EN] | Painéal na gCoistí Comhairlitheacha Praghsanna. | 2. (1) Chun críocha an Sceidil seo, coimeádfaidh an tAire painéal (ar a dtabharfar mar ainm agus dá ngairmfear Painéal na gCoistí Comhairlitheacha Praghsanna) a bheidh comhdhéanta de pé méid daoine (nach mó ná dáréag) is oiriúnach leis an Aire agus ar daoine iad a bheidh toilteanach agus ábalta gníomhú mar chomhaltaí de Choistí Comhairlitheacha. |
[EN] | (2) Is é an tAire a cheapfaidh gach comhalta den Phainéal agus leanfaidh an duine sin de bheith ina chomhalta go ceann téarma dhá mhí dhéag ó dháta a cheaptha agus beidh sé i dteideal a athcheaptha ar bheith caite d'aon téarma oifige den sórt sin. | |
[EN] | (3) Má thagann duine is comhalta den Phainéal chun bheith ina chomhalta de cheachtar Teach den Oireachtas, ansin, ar é a theacht, faoi Bhuan-Orduithe an Tí sin, chun bheith i dteideal suí sa Tigh sin, scoirfidh sé de bheith ina chomhalta den Phainéal. | |
[EN] | (4) Duine a bheidh de thuras na huaire i dteideal faoi Bhuan-Ordaithe cheachtar Tí den Oireachtas chun suí sa Tigh sin, beidh sé dícháilithe chun bheith ina chomhalta den Phainéal. | |
[EN] | (5) Beidh duine is comhalta den Phainéal dícháilithe chun bheith agus scoirfidh sé de bheith ina chomhalta den Phainéal más rud é— | |
[EN] | (a) go mbreithneofar ina fhéimheach é nó go ndéanfaidh sé comhshocraíocht lena chreidiúnaithe, nó | |
[EN] | (b) go dtabharfaidh cúirt dlínse inniúla pianbhreith phríosúntachta nó phianseirbhíse air, nó | |
[EN] | (c) go scoirfidh sé de bheith ina ghnáth-chónaí sa Stát. | |
[EN] | (6) Déanfaidh an tAire, ó am go ham do réir mar is oiriúnach leis, ainmneacha na ndaoine a bheidh ar an bPainéal de thuras na huaire a fhoilsiú san Iris Oifigiúil. | |
[EN] | Comhaltas Choiste Chomhairlithigh. | 3. Beidh Coiste Comhairlitheach comhdhéanta de thriúr comhaltaí ar a laghad agus cúigear comhaltaí ar a mhéid, agus is é an tAire a cheapfaidh iad go léir ó dhaoine is comhaltaí den Phainéal tráth an cheapacháin. |
[EN] | Cathaoirleach Choiste Chomhairlithigh. | 4. (1) Beidh cathaoirleach ar gach Coiste Comhairlitheach. |
[EN] | (2) Bainfidh na forála seo a leanas le hoifig chathaoirligh Choiste Comhairlithigh— | |
[EN] | (a) is é a bheidh ina chathaoirleach pé comhalta den Choiste Comhairlitheach sin a ainmneoidh an tAire chun bheith ina chathaoirleach, | |
[EN] | (b) má scoireann an cathaoirleach de bheith ina chomhalta den Choiste Comhairlitheach sin, scoirfidh sé de bheith ina chathaoirleach, | |
[EN] | (c) má tharlaíonn don duine a shealbhóidh an oifig sin go mbeidh sé neamhábalta go sealadach ar chúis ar bith ar dhualgais na hoifige sin a chomhlíonadh, féadfaidh an tAire comhalta den Phainéal nach comhalta den Choiste Comhairlitheach sin san am a ainmniú chun dualgais na hoifige sin a chomhlíonadh ar feadh tréimhse sonraithe (nach sia ná ré na neamhábaltachta sealadaí sin), agus, ar feadh na tréimhse sin, beidh cumhachta uile an chathaoirligh ag an duine a hainmneofar amhlaidh agus measfar, chun críocha an Achta seo, gurb é cathaoirleach an Choiste Chomhairlithigh sin é agus gur comhalta dhe é. | |
[EN] | Comhalta do Choiste Comhairlitheach d'éirí as oifig nó a chur as oifig. | 5. (1) Féadfaidh comhalta de Choiste Comhairlitheach éirí as oifig. |
[EN] | (2) Féadfaidh an tAire comhalta de Choiste Comhairlitheach a chur as oifig— | |
[EN] | (a) má bhíonn sé éagumasach mar gheall ar easláinte ar a dhualgais mar chomhalta den tsórt sin a chomhlíonadh go héifeachtúil, nó | |
[EN] | (b) má bhíonn sé tar éis scor de bheith ina chomhalta den Phainéal, nó | |
[EN] | (c) más dóigh leis an Aire gur gá é a chur as oifig ar mhaithe le dualgais an Choiste Chomhairlithigh sin a chomhlíonadh go héifeachtúil tíobhasach. | |
[EN] | Corr-fholúntais. | 6. Má tharlaíonn corr-fholúntas i gcomhaltas Choiste Chomhairlithigh, féadfaidh an tAire duine is comhalta den Phainéal de thuras na huaire a cheapadh chun an folúntas a líonadh. |
[EN] | Luach saothair agus caiteachas chomhaltaí Choiste Chomhairlithigh. | 7. Féadfar pé luach saothair agus liúntas le haghaidh caiteachais a chinnfeas an tAire, le toiliú an Aire Airgeadais, a íoc le comhalta Choiste Chomhairlithigh. |
[EN] | Comhalta de Choiste Comhairlitheach do chur leasa in iúl. | 8. I gcás Coiste Comhairlitheach a bheith ag fiosrú faoi phraghas aon earra nó faoin táille i leith aon tseirbhíse agus leas pearsanta a bheith ag aon chomhalta den Choiste sin in aon ghnó a bheidh ag díol an earra sin nó ag déanamh na seirbhíse sin, cuirfidh an comhalta sin é sin in iúl don Aire, agus air sin beidh éifeacht ag na forála seo a leanas— |
[EN] | (a) ní ghníomhóidh sé, gan údarás ón Aire, mar chomhalta den Choiste Comhairlitheach sin, | |
[EN] | (b) Féadfaidh an tAire é a chur den Choiste Comhairlitheach sin agus duine eile den Phainéal a cheapadh ina chomhalta nua ina ionad ar an gCoiste Comhairlitheach sin. | |
[EN] | Oifigigh agus seirbhísigh do Choiste Comhairlitheach. | 9. (1) Féadfaidh an tAire, le toiliú an Aire Airgeadais, pé oifigigh agus seirbhísigh a cheapadh is dóigh leis is gá chun cabhrú le Coiste Comhairlitheach i gcomhlíonadh a dhualgas. |
[EN] | (2) Na hoifigigh agus na seirbhísigh a ceapfar faoi fho-mhír (1) den mhír seo sealbhóid oifig ar pé téarmaí agus gheobhaid pé luach saothair a chinnfidh an tAire Airgeadais. | |
[EN] | Duine a cheapadh chun cabhrú le Coiste Comhairlitheach. | 10. (1) I gcás ina n-iarrfaidh Coiste Comhairlitheach go gceapfar duine chun cabhrú leis ag seoladh fiosrúcháin, féadfaidh an tAire, le toiliú an Aire Airgeadais, pé duine is cuí leis a cheapadh chuige sin. |
[EN] | (2) Féadfar pé luach saothair agus liúntas le haghaidh caiteachais a chinnfidh an tAire, le toiliú an Aire Airgeadais, a íoc le duine a ceapfar faoi fho-mhír (1) den mhír seo. | |
[EN] | Nós imeachta ag cruinnithe de Choiste Comhairlitheach. | 11. (1) Is é cathaoirleach Choiste Chomhairlithigh a bheidh i gceannas gach cruinnithe den Choiste Comhairlitheach sin, agus ní comórfar aon chruinniú den Choiste Comhairlitheach sin mura mbeidh sé i láthair. |
[EN] | (2) Gach ceist a éireoidh ag cruinniú de Choiste Comhairlitheach cinnfear é le tromlach vótaí na gcomhaltaí a bheidh i láthair agus a vótálfaidh ar an gceist, agus, i gcás comhionannas vótaí, beidh an dara vóta nó vóta réitigh ag cathaoirleach an Choiste Chomhairlithigh sin. | |
[EN] | (3) Féadfaidh Coiste Comhairlitheach gníomhú d'ainneoin folúntas nó folúntais i measc na gcomhaltaí. | |
[EN] | (4) Is é is córam do chruinniú de Choiste Comhairlitheach pé líon a shocróidh sé ó am go ham, agus, mura mbeidh córam socair amhlaidh de thuras na huaire, triúr. | |
[EN] | (5) Aon fhiosrúchán a dhéanfaidh Coiste Comhairlitheach ní deanfar go hiomlán nó go páirteach go poiblí é, ach amháin le toiliú an Aire roimh ré i scríbhinn. | |
[EN] | (6) Faoi réir forál na míre seo, féadfaidh Coiste Comhairlitheach a nós imeachta agus a ghnó a rialú, lena n-áirítear an modh ar a gcuirfidh daoine faoina bhráid nithe maidir le hábhar aon fhiosrúcháin a bheidh á dhéanamh aige. | |
[EN] | Cumhacht Chathaoirligh Choiste Chomhairlithigh chun finnéithe a thoghairm, etc. | 12. (1) Féadfaidh Cathaoirleach Choiste Chomhairlithigh, chun críocha feidhmeanna an Choiste Chomhairlithigh sin— |
[EN] | (a) finnéithe a thoghairm chun teacht i láthair an Choiste Chomhairlithigh sin; | |
[EN] | (b) aon fhinné a thiocfaidh i láthair an Choiste Chomhairlithigh sin a cheistiú faoi mhionn (agus údaraítear leis seo don chathaoirleach é a chur faoi mhionn); | |
[EN] | (c) a cheangal ar aon fhinné den tsórt sin aon doiciméid ar a chumas nó faoina urláimh a thabhairt ar aird don Choiste Comhairlitheach sin. | |
[EN] | (2) Aon toghairm chun finné a ghairm i láthair Choiste Chomhairlithigh beidh sé faoi láimh chathaoirligh an Choiste Chomhairlithigh sin. | |
[EN] | (3) Beidh finné i láthair Choiste Chomhairlithigh i dteideal na ndíolúintí agus na bpribhléidí céanna chun a mbeadh teideal aige dá mb'fhinné os comhair na hArd-Chúirte é. | |
[EN] | (4) Duine ar bith— | |
[EN] | (a) a thoghairmfear go cuí os comhair Choiste Chomhairlithigh agus a mhainneoidh teacht i láthair, nó | |
[EN] | (b) a bheidh i láthair mar fhinné agus a dhiúltóidh mionn a thabhairt a ceanglófar air go dlíthiúil a thabhairt nó aon doiciméid ar a chumas nó faoina urláimh a thabhairt ar aird a ceanglófar air go dlíthiúil a thabhairt ar aird nó aon cheist a fhreagairt a cheanglóidh an Coiste Comhairlitheach sin air go dlíthiúil a fhreagairt, nó | |
[EN] | (c) a dhéanfaidh aon ní a bheadh, dá mba chúirt bhreithiúnais ag a raibh cumhacht chimithe mar gheall ar dhísbeagadh cúirte an Coiste Comhairlitheach sin, ina dhísbheagadh ar an gcúirt sin, | |
[EN] | féadfaidh an Coiste Comhairlitheach sin cion an duine sin a dheimhniú faoina lámha don Ard-Chúirt agus féadfaidh an Ard-Chúirt, tar éis pé fiosrúchán a dhéanamh is cuí léi, an duine sin a phionósú nó bearta a dhéanamh chun é a phionósú amhail is dá mbeadh sé ciontach i ndísbeagadh ar an Ard-Chúirt. |