|
|||||
|
An Chéad Lch. | Lch. Roimhe Seo (ACHT TIONSCAIL NA gCON, 1958) | Ar Aghaidh (CUID II. Bord na gCon.) |
ACHT TIONSCAIL NA gCON, 1958
[EN] | ||
[EN] |
CUID I. Réamhráiteach agus Ginearálta. | |
[EN] |
Gearrtheideal. |
1. —Féadfar Acht Tionscail na gCon, 1958 , a ghairm den Acht seo. |
[EN] |
Léiriú. |
2. —(1) San Acht seo— |
[EN] | ciallaíonn “faiche chúrsála údaraithe” faiche chúrsála ar a mbíonn cruinnithe cúrsála údaraithe ar siúl; | |
[EN] | ciallaíonn “cruinniú cúrsála údaraithe” cruinniú cúrsála arna údarú ag an gClub; | |
[EN] | ciallaíonn “oifigeach údaraithe” duine arna cheapadh i scríbhinn ag an mBord nó ag an gClub (do réir mar is iomchuí) chun bheith ina oifigeach údaraithe chun críocha an Achta seo; | |
[EN] | ciallaíonn “an Bord” Bord na gCon a bhunaítear leis an Acht seo; | |
[EN] | ciallaíonn “an Club” Club Cúrsála na hÉireann; | |
[EN] | ciallaíonn “geall cúrsa”— | |
[EN] | (a) geall a ghlacfaidh geall-ghlacadóir ceadúnaithe, le linn rás-chruinnithe chon a bheidh ar siúl ar rás-rian con, i ndáil le rás con is mír ag an gcruinniú sin, nó | |
[EN] | (b) geall a ghlacfaidh geall-ghlacadóir ceadúnaithe, le linn cruinnithe chúrsála údaraithe (nach cruinniú a mbeidh dearbhaithe ag an mBord le rialacháin go bhfuil sé díolmhaithe maidir leis na tobhaigh dá ndéantar socrú leis an Acht seo), i ndáil le beart is mír ag an gcruinniú sin; | |
[EN] | tá le “cead cúrsa-ghealltóireachta” an bhrí a thugtar dó in alt 29; | |
[EN] | ciallaíonn “an lá bunaithe” an lá a cheapfar chun bheith ina lá bunaithe chun críocha an Achta seo le hordú ón Aire faoi alt 3 den Acht seo; | |
[EN] | ciallaíonn “rás con” rás con (ar a n-áirítear triail agus teagasc) ina leantar rud a ghluaistear le fearas meicniúil; | |
[EN] | ciallaíonn “rás-rian con” rás-rian con ar a seoltar rásaí con ar luach saothair; | |
[EN] | tá le “ceadúnas rás-riain chon” an bhrí a shonraítear in alt 22; | |
[EN] | ciallaíonn “geall-ghlacadóir ceadúnaithe” duine is sealbhóir de thuras na huaire ar cheadúnas geall-ghlacadóra a heisíodh chuige faoin Acht um Gheallchur, 1931 (Uimh. 27 de 1931) ; | |
[EN] | ciallaíonn “an tAire” an tAire Talmhaíochta; | |
[EN] | ciallaíonn “maighne”, maidir le faiche chúrsála údaraithe, aon áit in aice na faiche cúrsála sin a ghnáthaíonn an pobal chun bheith ag féachaint ar chúrsáil; | |
[EN] | ciallaíonn an briathar “forordú” forordú le rialacháin arna ndéanamh ag an mBord faoin Acht seo; | |
[EN] | ciallaíonn “ceadúnas suimitheora” ceadúnas arna dheonadh faoi Acht na Suimitheoirí, 1929 (Uimh. 22 de 1929) . | |
[EN] | (2) Aon áit inar iomchuí sin, folaíonn tagairt san Acht seo d'aon fhoráil a shárú tagairt don fhoráil sin a shárú trí mhainniú nó diúltú déanamh dá réir. | |
[EN] |
An lá bunaithe. |
3. —Féadfaidh an tAire le hordú lá a cheapadh chun bheith ina lá bunaithe chun críocha an Achta seo. |
[EN] |
Feidhmeanna an Chlub a chomhlíonadh. |
4. —Is é a chomhlíonfaidh na feidhmeanna a dhílsítear sa Chlub leis an Acht seo nó faoi— |
[EN] | (a) roimh an lá a cheapfaidh an tAire faoi fho-alt (7) d'alt 26 den Act seo—Buan-Choiste an Chlub, agus | |
[EN] | (b) an lá sin agus dá éis—Coiste Feidhmiúcháin an Chlub, | |
[EN] | ach, i gcás rialacha a dhéanfar faoin Acht seo, ní thiocfaidh na rialacha i ngníomh mura gceadófar agus go dtí go gceadófar iad ag cruinniú ginearálta den Chlub. | |
[EN] |
Rialacháin agus Rialacha i gcoitinne. |
5. —(1) I ngach imeacht dlíthiúil— |
[EN] | (a) beidh doiciméad a thabhairt ar aird a airbheartóidh gur cóip é d'aon rialachán a rinne an Bord faoin Acht seo agus a bheith arna dheimhniú ag cathaoirleach an Bhoird nó príomh-oifigeach an Bhoird gur cóip dhílis é ina leor-fhianaise ar an rialachán agus go ndearnadh maidir leis aon dul-i-gcomhairle ba ghá faoin Acht seo agus ní gá cruthúnas ar láimhscríbhneoireacht ná ar phost oifigiúil an duine a dheimhnigh an doiciméad, | |
[EN] | (b) beidh doiciméad a thabhairt ar aird a airbheartóidh é a bheith arna shíniú ag oifigeach don Aire agus a dheimhneoidh gur le toiliú an Aire a rinneadh aon rialachán sonraithe a rinne an Bord faoin Acht seo ina leorfhianaise gur le toiliú an Aire a rinneadh an rialachán agus ní gá cruthúnas ar láimhscríbhneoireacht ná ar phost oifigiúil an duine a shínigh an doiciméad. | |
[EN] | (2) I ngach imeacht dlithiúil— | |
[EN] | (a) beidh doiciméad a thabhairt ar aird a airbheartóidh gur cóip é d'aon riail a rinne an Club faoin Acht seo agus a bheidh arna dheimhniú ag uachtarán an Chlub nó ag rúnaí an Chlub gur cóip dhílis é ina leor-fhianaise ar an riail agus ní gá cruthúnas ar láimhscríbhneoireacht ná ar phost oifigiúil an duine a dheimhnigh an doiciméad, | |
[EN] | (b) beidh doiciméad a thabhairt ar aird a airbheartóidh é a bheith arna shíniú ag uachtarán an Chlub nó ag rúnaí an Chlub agus a dheimhneoidh go dtáinig aon riail shonraithe a rinne an Club faoin Acht seo i ngníomh lá sonraithe ina leor-fhianaise go dtáinig an riail i ngníomh an lá sin agus ní gá cruthúnas ar láimhscríbhneoireacht ná ar phost oifigiúil an duine a shínigh an doiciméad, | |
[EN] | (c) beidh doiciméad a thabhairt ar aird a airbheartóidh é a bheith arna shíniú ag cathaoirleach an Bhoird nó ag príomh-oifigeach an Bhoird agus a dheimhneoidh gur le toiliú an Bhoird a rinneadh aon riail shonraithe a rinne an Club faoin Acht seo ina leor-fhianaise gur le toiliú an Bhoird a rinneadh an riail agus ní gá cruthúnas ar láimhscríbhneoireacht ná ar phost oifigiúil an duine a shínigh an doiciméad. | |
[EN] | (3) Féadfaidh an Bord rialacháin a dhéanamh i dtaobh aon ábhair nó ní dá dtagartar san Acht seo mar ábhar nó ní atá forordaithe nó le forordú. | |
[EN] | (4) Gach rialachán a dhéanfaidh an Bord faoin Acht seo leagfar é faoi bhráid gach Tí den Oireachtas a luaithe is féidir tar éis a dhéanta, agus má dhéanann ceachtar Teach acu sin, laistigh den lá agus fiche a shuífidh an Teach sin tar éis an rialachán a leagadh faoina bhráid, rún a rith ag neamhniú an rialacháin, beidh an rialachán ar neamhní dá réir sin ach sin gan dochar do bhailíocht aon ní a rinneadh roimhe sin faoin rialachán sin. | |
[EN] | (5) Gach riail a dhéanfaidh an Club faoi alt 25 nó alt 37 den Acht seo agus cheadófar mar fhoráltar le halt 4 den Acht seo leagfar í faoi bhráid gach Tí den Oireachtas a luaithe is féidir é tar éis í a cheadú amhlaidh, agus má dhéanann ceachtar Teach acu sin, laistigh den lá agus fiche a shuífidh an Teach sin tar éis an riail a leagadh faoina bhráid, rún a rith ag neamhniú na rialach, beidh an riail ar neamhní dá réir sin ach sin gan dochar do bhailíocht aon ní a rinneadh roimhe sin faoin riail sin. | |
[EN] | (6) Ní fhorléireofar aon ní san alt seo mar ní a theorainníonn oibriú, nó a dhéanann difir d'oibriú, ailt 4 den Acht um Fhianaise Scríbhinne, 1925 (Uimh. 24 de 1925) . |