CUID I.

Réamhráiteach agus Ginearálta.

1. —(1) Féadfar an tAcht Aerloingseoireachta agus Aeriompair, 1959 , a ghairm den Acht seo.

(2) Féadfar na hAchtanna Aerloingseoireachta agus Aeriompair, 1936 go 1959, a ghairm de na hAchtanna Aerloingseoireachta agus Aeriompair, 1936 go 1950, agus den Acht seo le chéile.

2. —(1) Tiocfaidh an tAcht seo (ach amháin Codanna III agus IV agus an Sceideal) i ngníomh díreach ar é a rith.

(2) Tiocfaidh na forálacha seo a leanas den Acht seo, eadhon, Codanna III agus IV agus an Sceideal, i ngníomh cibé lá a shocrófar chuige sin le hordú ón Rialtas.

3. —San Acht seo—

ciallaíonn “an Príomh-Acht” an tAcht um Aerloingseoireacht agus Aeriompar, 1936;

ciallaíonn “Prótocol 1955 le Coinbhinsiún Warsaw” an Prótocol (a síníodh san Hág an 28 Meán Fómhair, 1955) ag leasú Coinbhinsiúin Warsaw;

tá le “Coinbhinsiún Warsaw” an bhrí chéanna atá leis sa Phríomh-Acht.