|
|||||
|
An Chéad Lch. | Lch. Roimhe Seo (Caibidil II. Polláin.) | Ar Aghaidh (CUID X. Srianta le Bradáin agus Bric a Dhíol agus a Onnmhairiú lena nDíol.) |
AN tACHT IASCAIGH (COMHDHLÚTHÚ), 1959
[EN] | ||
[EN] |
Caibidil III. Eascanna. | |
[EN] |
An séasúr coiscthe bliantúil d'eascanna. |
151. —(1) San Acht seo, ciallaíonn an abairt “an séasúr coiscthe bliantúil d'eascanna”, maidir le háit ar bith, |
[EN] | (a) i gcás aon fhodhlí faoin Acht seo a bheith i bhfeidhm de thuras na huaire ag socrú na tréimhse ar neamhdhleathach eascanna a iascaireacht lena linn san áit sin ar shlí seachas le slat agus ruaim, an tréimhse a bheidh socraithe amhlaidh, | |
[EN] | (b) in aon chás eile, an tréimhse dar tosach an 11ú lá d'Eanáir in aon bhliain agus dar críoch an 30ú lá de Mheitheamh dá éis sin. | |
[EN] | (2) Beidh feidhm maidir le fohdlíthe a athróidh an séasúr coiscthe bliantúil d'eascanna ag na forálacha atá leagtha amach sa Chúigiú Sceideal a ghabhann leis an Acht seo. | |
[EN] |
Srianta le hiascaireacht eascann le linn an tséasúir choiscthe bhliantúil d'eascanna. |
152. —(1) Gach duine a dhéanfaidh, go toiliúil le linn an tséasúir choiscthe bhliantúil d'eascanna, eascanna a thógáil nó a iascaireacht nó cabhair nó cuidiú a thabhairt chun eascanna a thógáil nó a iascaireacht ar shlí seachas le slat agus ruaim, beidh an duine sin ciontach i gcion faoin alt seo agus ar a chiontú ann go hachomair dlífear fíneáil nach mó ná fiche punt a chur air. |
[EN] | (2) I gcás duine a chiontú i gcion faoin alt seo beidh aon eascann a thóg sé amhlaidh ar forghéilleadh mar iarmairt reachtúil de dhroim an chiontaithe. | |
[EN] |
Pionós mar gheall ar innill iascaireachta chun eascanna a thógáil a shuíomh, etc., i súile, etc., cora iascaireachta nó damba muilinn iascaireachta le linn an tséasúir choiscthe bhliantúil d'eascanna nó i dtrátha an lae. |
153. —Má chuireann nó má chrochann duine ar bith aon inneall iascaireachta chun eascanna a thógáil i súil nó i mbearna nó i sliús-gheata aon chora iascaireachta nó damba muilinn iascaireachta— |
[EN] | (a) le linn an tséasúir choiscthe bhliantúil d'eascanna, nó | |
[EN] | (b) i trátha an lae laistigh d'aon tréimhse nach é an séasúr coiscthe bliantúil d'eascanna é, | |
[EN] | ansin, beidh an duine sin ciontach i gcion faoin alt seo agus ar a chiontú ann go hachomair dlífear fíneáil nach lú ná deich scilling agus nach mó ná cúig phunt a chur air in aghaidh gach innill den sórt sin a shuífear nó a chrochfar amhlaidh. | |
[EN] | (2) I gcás duine a chiontú i gcion faoin alt seo beidh an t-inneall iascaireachta a ndearnadh an cion ina leith ar forghéilleadh mar iarmairt reachtúil de dhroim an chiontaithe. | |
[EN] | (3) I gcás— | |
[EN] | (a) ina gciontófar duine i gcion faoin alt seo, agus | |
[EN] | (b) go gcruthófar go raibh inneall iascaireachta chun eascanna a thógáil suite nó crochta i súil nó i mbearna nó i sliús-gheata chora iascaireachta nó dhamba mhuilinn iascaireachta am áirithe, agus | |
[EN] | (c) go gcruthófar gurbh é an duine sin áititheoir na cora iascaireachta nó an damba mhuilinn iascaireachta an t-am sin. | |
[EN] | toimhdeofar, go dtí go gcruthófar a mhalairt, go raibh an t-inneall iascaireachta suite nó crochta aige amhlaidh. |