|
|||||
|
An Chéad Lch. | Lch. Roimhe Seo (CUID III. Leasú ar an bPríomh-Acht.) | Ar Aghaidh (AN SCEIDEAL. Mír Bhreise atá le cur i Nóta nó Meabhrán Comhaontaithe Fhruilcheannaigh a bhaineann le Mótar Fheithicil.) |
AN tACHT FRUILCHEANNAIGH (LEASÚ), 1960
[EN] | ||
[EN] |
CUID IV. Ilghnéitheach. | |
[EN] |
Caingne a tharchur nó a aistriú. 1936 Uimh. 48. |
26. —(1) An dlínse atá ag an Ard-Chúirt chun caingne a tharchur nó a aistriú faoi alt 25 den Acht Cúirteanna Breithiúnais, 1924 , féadfar, maidir le caingean a bheidh ar feitheamh san Ard-Chúirt ag úinéir earraí a ligeadh faoi chomhaontú fruilcheannaigh— |
[EN] | (a) chun ceart chun seilbh a aisghabháil ar na hearraí ón bhfruilitheoir a chur i bhfeidhm, nó | |
[EN] | (b) chun iallach a chur suim a íoc a bheidh dlite faoin gcomhaontú fruilcheannaigh nó faoi aon chomhaontú ráthaíochta a bhainfidh leis sin, | |
[EN] | féadfaidh an Ard-Chúirt féin, aon tráth sula dtabharfar breithiúnas sa chaingean, í a fheidhmiú uaithi féin agus gan iarratas chuige sin a bheith déanta chuici ag aon pháirtí sa chaingean. | |
[EN] | (2) Ní bheidh feidhm ag mír (b) d'fho-alt (2) d'alt 11 den Acht Cúirteanna Breithiúnais, 1936 , maidir le caingean a bheartóidh an Ard-Chúirt a tharchur nó a aistriú de bhua an ailt seo. | |
[EN] |
Is Breitheamh den Ard-Chúirt nó Máistir na hArd-Chúirte a thabharfaidh breithiúnais i gcaingne chun earraí a aisghabháil a ligeadh faoi chomhaontuithe fruilcheannaigh. |
27. —D'ainneoin aon ní i rialacha cúirte, i gcaingean san Ard-Chúirt nó sa Chúirt Chuarda a thionscnófar tar éis tosach feidhme an Achta seo ag úinéir earraí a ligeadh faoi chomhaontú fruilcheannaigh ag éileamh, go haonarach nó i dteannta aon éilimh eile, ceart chun seilbh na n-earraí a aisghabháil ón bhfruilitheoir a chur i bhfeidhm, is ó Bhreitheamh den Ard-Chúirt, nó, i gcás inar iomchuí é, is ó Mháistir na hArd-Chúirte, agus uaidh sin amháin a gheofar breithiúnas. |
[EN] |
Déileálaí do dhíol earraí a ligeadh chuigí faoi chomhaontú fruilcheannaigh. |
28. —Más éard é fruilitheoir earraí d'aon saghas nó cineál déileálaí in earraí den saghas nó den chineál sin agus go ndéanfaidh sé na hearraí ar fruilitheoir orthu é a dhíol agus é ag gníomhú go sofheicse i ngnáth-chúrsa a ghnó mar dhéileálaí den sórt sin, beidh an díol chomh bailí agus dá mbeadh údarás sainráite aige ón úinéir an díol a dhéanamh, ar choinníoll gur de mheon mhacánta a ghníomhóidh an ceannaitheoir agus nach mbeidh fógra aige tráth an díola nach bhfuil údarás ag an bhfruilitheoir an díol a dhéanamh. |
[EN] |
Aisghairm. |
29. —Déantar leis seo fo-alt (5) d'alt 13 agus alt 20 den Phríomh-Acht a aisghairm maidir le caingne a thionscnófar tar éis tosach feidhme an Achta seo. |