CUID I

Réamhráiteach agus Ginearálta

1. —(1) Féadfar an tAcht um Chosaint Ainmhithe (Leasú), 1965 , a ghairm den Acht seo.

(2) Déanfar an tAcht seo agus an Protection of Animals Act, 1911, a fhorléiriú mar aon ní amháin, agus féadfar na hAchtanna um Chosaint Ainmhithe, 1911 agus 1965, a ghairm den Acht sin agus den Acht seo le chéile.

2. —San Acht seo—

ciallaíonn “An Príomh-Acht” an Protection of Animals Act, 1911;

ciallaíonn “coilleadh” obráid chun na gonaid a bhaint amach ar fad trí mháinliacht nó próiseas a ceapadh chun seargadh iomlán a thabhairt orthu;

folaíonn “cú” aon fhuipéad agus aon phór nó crosphór cú nó fuipéid;

folaíonn “capall” asal, miúil agus ráineach;

folaíonn “bóthar poiblí” aon mhórbhealach poiblí, sráid phoiblí nó cosán poiblí;

ciallaíonn “áit phoiblí” aon áit a bhfuil rochtain ag an bpobal air cibé acu de cheart nó le cead é agus cibé acu ar tháille a íoc nó saor ó tháille é;

ciallaíonn “tréidlia” duine atá cláraithe de thuras na huaire sa chlár de mháinleagha beithíoch a bunaíodh agus a choiméadtar faoi Acht na Máinliaigh Beithíoch, 1931 ;

ciallaíonn “an tAire” an tAire Talmhaíochta.

3. —Déantar leis seo an Protection of Animals Act (1911) Amendment Act, 1912, agus an Protection of Animals Act (1911) Amendment Act, 1921, a aisghairm.