|
|||||
|
[EN] | ||
Uimhir 18 de 1965. | ||
[EN] |
AN tACHT UM THIONSCAIL NA GAELTACHTA (LEASÚ), 1965 | |
ACHT DO LEASÚ AGUS DO LEATHNÚ AN ACHTA UM THIONSCAIL NA GAELTACHTA, 1957 . [20 Iúil, 1965.] |
ACHTAÍTEAR AG AN OIREACHTAS MAR A LEANAS:— | ||
[EN] |
Mínithe. |
1. —San Acht seo— |
[EN] | ciallaíonn “an Bord” Gaeltarra Éireann; | |
[EN] | ciallaíonn “an Príomh-Acht” an tAcht um Thionscail na Gaeltachta, 1957 . | |
[EN] |
Leasú ar alt 1 den Phríomh-Acht. |
2. —Déantar leis seo alt 1 den Phríomh-Acht a leasú tríd an míniú seo a leanas a chur in ionad an mhínithe ar “an Ghaeltacht”: |
[EN] | “ciallaíonn ‘an Ghaeltacht’ na limistéir a mbeidh cinnte de thuras na huaire gur limistéir Ghaeltachta iad le hordú faoi alt 2 den Acht Airí agus Rúnaithe (Leasú), 1956 ;”. | |
[EN] |
Leasú ar alt 4 den Phríomh-Acht. |
3. —Déantar leis seo alt 4 den Phríomh-Acht (a bhaineann le cumhachtaí agus feidhmeanna an Bhoird) a leasú tríd an méid seo a leanas a chur isteach i bhfo-alt (4) i ndiaidh mhír (b): |
[EN] | “(bi) le toiliú an Aire arna thabhairt tar éis dó dul i gcomhairle leis an Aire Tionscail agus Tráchtála— | |
[EN] | (A) páirt a ghlacadh le daoine eile i bhfoirmiú comhlachta chorpraithe nó i gcomhpháirtíocht nó ar dhóigh eile, | |
[EN] | (B) comhlacht corpraithe a fhoirmiú, nó scaireanna a cheannach nó a thógáil nó a dhíol i gcomhlacht corpraithe, agus | |
[EN] | (C) deontas a thabhairt, ar cibé téarmaí, más aon téarmaí iad, is cuí leis, do chomhlacht corpraithe ina bhfuil scaireanna aige, | |
[EN] | chun tionscail agus scéimeanna somhaoineacha fostaíochta a bhunú, a fhorbairt nó a chothabháil sa Ghaeltacht, | |
[EN] | (bii) deontais a thabhairt, dá rogha féin agus ar cibé téarmaí, más aon téarmaí iad, is cuí leis, chun cabhrú le daoine miontionscadail shomhaoineacha a bhunú, a fhorbairt nó a chothabháil sa Ghaeltacht, ar choinníoll nach rachaidh aon deontas den sórt sin thar dhá mhíle punt agus nach dtabharfar aon deontas den sórt sin i leith tionscadail má tugadh deontas ón bhForas Tionscal i leith an tionscadail sin,”. | |
[EN] |
Leasú ar alt 5 den Phríomh-Acht. |
4. —Déantar leis seo alt 5 den Phríomh-Acht (a bhaineann le comhdhéanamh an Bhoird) a leasú trí “Seacht gcomhalta ar a mhéid” a chur in ionad “Cúigear comhaltaí” i bhfo-alt (1). |
[EN] |
Leasú ar alt 14 den Phríomh-Acht. |
5. —Déantar leis seo alt 14 den Phríomh-Acht (a dhéanann foráil i dtaobh cruinnithe agus nós imeachta an Bhoird) a leasú trí “(mura mbíonn thar chúig chomhalta ar an mBord) nó ceathrar (má bhíonn sé chomhalta nó seacht gcomhalta ar an mBord)” a chur isteach i bhfo-alt (2) i ndiaidh “Triúr”. |
[EN] |
Leasú ar alt 19 den Phríomh-Acht. |
6. —Déantar leis seo alt 19 den Phríomh-Acht (a dhéanann foráil i dtaobh sócmhainní áirithe a shealbhaítear le haghaidh na dtionscal tuaithe a aistriú chun an Bhoird) a leasú trí na focail i bhfo-alt (3) ó “agus beidh an tsuim sin” go dtí deireadh an fho-ailt sin a scriosadh. |
[EN] |
Leasú ar alt 26 den Phríomh-Acht. |
7. —Déantar leis seo alt 26 den Phríomh-Acht (a dhéanann foráil i dtaobh airleacain inaisíoctha chun an Bhoird as an bPríomh-Chiste) a leasú— |
[EN] | (i) trí “dhá mhilliún punt” a chur in ionad “cúig chéad míle punt” i bhfo-alt (1), agus | |
[EN] | (ii) tríd an méid seo a leanas a chur isteach i bhfo-alt (2) i ndiaidh “den Acht seo”: | |
[EN] | “; ar choinníoll, áfach,— | |
[EN] | (a) go measfar aon suim a airleacadh amhlaidh roimh an 1ú lá d'Aibreán, 1965, a scor ar an dáta sin de bheith inaisíoctha amhlaidh, agus | |
[EN] | (b) nach mbeidh aon suim a airleacfar amhlaidh tar éis an 1ú lá d'Aibreán, 1965, inaisíoctha amhlaidh (agus ní bheidh feidhm maidir léi ag ailt 28 agus 29 den Acht seo) go dtí cibé dáta a chinnfidh an tAire Airgeadais, tar éis dó dul i gcomhairle leis an Aire”. | |
[EN] |
Gearrtheideal, comhlua agus forléiriú. |
8. —(1) Féadfar an tAcht um Thionscail na Gaeltachta (Leasú), 1965 , a ghairm den Acht seo. |
[EN] | (2) Féadfar na hAchtanna um Thionscail na Gaeltachta, 1957 agus 1965, a ghairm den Phríomh-Acht agus den Acht seo le chéile, agus forléireofar i dteannta a chéile iad mar aon Acht amháin. |