|
|||||
|
An Chéad Lch. | Lch. Roimhe Seo (AN tACHT UM ORDUITHE COTHABHÁLA, 1974) | Ar Aghaidh (CUID II Orduithe Cothabhála a Aithint agus a Fheidhmiú go Cómhalartach) |
AN tACHT UM ORDUITHE COTHABHÁLA, 1974
[EN] | ||
[EN] |
CUID I Réamhráiteach agus Ginearálta | |
[EN] |
Gearrtheideal. |
1. —Féadfar an tAcht um Orduithe Cothabhála, 1974 , a ghairm den Acht seo. |
[EN] |
Tosach feidhme. |
2. —Tiocfaidh an tAcht seo i ngníomh cibé lá a cheapfaidh an tAire Dlí agus Cirt le hordú. |
[EN] |
Léiriú. |
3. —(1) San Acht seo— |
[EN] | ciallaíonn “údarás iomchuí” an duine, i ndlínse chómhalartúcháin, ag a bhfuil feidhm ar comhréir le feidhm Mháistir na hArd-Chúirte faoi alt 19 (3); | |
[EN] | tá le “ordú feidhmiúcháin” an bhrí a shanntar dó in alt 6; | |
[EN] | ciallaíonn “creidiúnaí cothabhála”, maidir le hordú cothabhála, an duine atá i dteideal na n-íocaíochtaí dá bhforálann an t-ordú; | |
[EN] | ciallaíonn “féichiúnaí cothabhála”, maidir le hordú cothabhála, an duine a dhlíonn íocaíochtaí a dhéanamh faoin ordú; | |
[EN] | ciallaíonn “ordú cothabhála”— | |
[EN] | (a) ordú (lena n-áirítear ordú atharthachta nó ordú dá dhroim sin) a fhorálann suimeanna airgid a íoc go tréimhsiúil i leith cothabháil aon duine, is é sin, duine a bhfuil an duine a bhfuil sé dlite de suimeanna a íoc faoin ordú faoi dhliteanas, de réir dlí na dlínse ina ndearnadh an t-ordú, é a chothabháil, nó | |
[EN] | (b) ordú atharthachta nó ordú dá dhroim sin, is é sin, ordú a fhorálann duine a mbeidh breithnithe, cinnte nó dearbhaithe gurb é athair linbh áirithe é d'íoc caiteachais i ndáil le breith an linbh nó, i gcás an leanbh d'fháil bháis, d'íoc na gcaiteachas adhlactha, | |
[EN] | agus, i gcás ordú cothabhála a athraíodh, ciallaíonn sé an t-ordú sin arna athrú; | |
[EN] | ciallaíonn “imeachtaí cothabhála” imeachtaí i ndáil le hordú cothabhála a dhéanamh, a athrú nó a chúlghairm; | |
[EN] | ciallaíonn “fógra faoi thionscnamh na n-imeachtaí”, maidir le himeachtaí cothabhála— | |
[EN] | (a) más sa Stát a tionscnaíodh na himeachtaí, cóip den toghairm nó den doiciméad tionscnaimh eile a seirbheáladh sa Stát nó fógra gur eisíodh an toghairm nó an doiciméad tionscnaimh eile, | |
[EN] | (b) más i dTuaisceart Éireann nó i Sasana agus sa Bhreatain Bheag a tionscnaíodh na himeachtaí, cóip den toghairm nó den doiciméad tionscnaimh eile a seirbheáladh i ndlínse chómhalartúcháin, fógra go ndearnadh ordú cothabhála sealadach nó fógra gur iarradh ordú cothabhála ar chúirt, | |
[EN] | (c) más in Albain a tionscnaíodh na himeachtaí, cóip den eascaire, den toghairm nó den doiciméad tionscnaimh eile, mar aon le cóip den bharántas i gcóir seirbheála agus cóip den lua; | |
[EN] | ciallaíonn “dlínse chómhalartúcháin” Tuaisceart Éireann, Sasana agus an Bhreatain Bheag, nó Albain; | |
[EN] | folaíonn “cúlghairm”, maidir le hordú cothabhála, an t-ordú sin a urscaoileadh nó suim sheachtainiúil is iníoctha faoi a fhoirceannadh agus forléireofar focail ghaolmhara dá réir sin. | |
[EN] | (2) D'fhonn amhras a sheachaint, folaíonn ordú cothabhála— | |
[EN] | (a) ordú den sórt sin a ghabhann le cinneadh i dtaobh stádas daoine nádúrtha, | |
[EN] | (b) ordú den sórt sin a fuair údarás áitiúil nó a fuarthas ina fhabhar i ndáil le cothabháil nó sochair eile a sholáthar maidir le duine a ndlíonn an féichiúnaí cothabhála, de réir dlí na dlínse ina ndearnadh an t-ordú, é a chothabháil, agus | |
[EN] | (c) foráil i gcomhaontú scríofa idir céilí faoina n-íocfaidh céile amháin díobh suim thréimhsiúil i leith cothabháil an chéile eile nó aon linbh dá gcuid nó i leith aon linbh a bhfuil ceachtar díobh in loco parentis dó, is é sin, comhaontú a cuireadh in ordú cúirte nó a ceadaíodh le hordú cúirte nó a ndearnadh riail chúirte de. | |
[EN] | (3) Aon tagairt san Acht seo d'alt is tagairt í d'alt den Acht seo mura gcuirtear in iúl gur tagairt d'achtachán éigin eile atá beartaithe. | |
[EN] | (4) Aon tagairt san Acht seo d'fho-alt, do mhír nó do roinn eile, is tagairt í don fho-alt, don mhír nó don roinn den fhoráil ina bhfuil an tagairt mura gcuirtear in iúl gur tagairt d'fhoráil éigin eile atá beartaithe. | |
[EN] |
Réim an Achta. |
4. —Beidh éifeacht ag an Acht seo maidir le horduithe cothabhála cibé acu roimh thosach feidhme an Achta seo nó dá éis a rinneadh iad ach ní bheidh éifeacht acu maidir le riaráiste a d'fhaibhrigh roimh thosach feidhme an Achta seo. |
[EN] |
Caiteachais. |
5. —Déanfar na caiteachais a thabhófar ag riaradh an Achta seo a íoc, a mhéid a cheadóidh an tAire Airgeadais é, as airgead a sholáthróidh an tOireachtas. |