|
|||||
|
An Chéad Lch. | Lch. Roimhe Seo (CUID VII Cáin a Íoc agus a Ghnóthú) | Ar Aghaidh (CUID IX Díolúintí) |
AN tACHT UM CHÁIN FHÁLTAS CAIPITIÚIL, 1976
CUID VIII Achomhairc | ||
[EN] |
Achomhairc i ndáil le luach maoine réadaí. 1910, c. 8. |
51. —Más ábhar éagóra le duine ar bith cinneadh ó na Coimisinéirí maidir le margadhluach aon mhaoine réadaí, féadfaidh sé achomharc a dhéanamh i gcoinne an chinnte ar an modh a fhorordaítear le halt 33 den Finance (1909-10) Act, 1910, agus beidh feidhm dá réir sin, modhnaithe mar is gá, leis na forálacha maidir le hachomhairc faoin alt sin den Acht sin. |
[EN] |
Achomhairc i gcásanna eile. |
52. —(1) San alt seo— |
[EN] | tá le “Coimisinéirí Achomhairc” an bhrí a shanntar dó le halt 156 den Acht Cánach Ioncaim, 1967 ; | |
[EN] | ciallaíonn “achomharcóir” duine a dhéanann achomharc chun na gCoimisinéirí Achomhairc faoi fho-alt (2) den alt seo. | |
[EN] | (2) Faoi réir na bhforálacha eile den Acht seo, duine a nglaofaidh na Coimisinéirí air measúnacht cánach a íoc i leith aon mhaoine agus arb ábhar éagóra leis an mheasúnacht féadfaidh sé, de réir forálacha an ailt seo, achomharc a dhéanamh chun na gCoimisinéirí Achomhairc i gcoinne na measúnachta agus éistfidh agus cinnfidh na Coimisinéirí Achomhairc an t-achomharc agus is cinneadh críochnaitheach dochloíte a gcinneadh mura gceanglaítear an t-achomharc a athéisteacht ag breitheamh den Chúirt Chuarda nó mura gceanglaítear cás a shonrú i ndáil leis le tuairim na hArd-Chúirte a fháil ar phointe dlí. | |
[EN] | (3) Ní bheidh ábhar achomhairc ann faoin alt seo i ndáil le margadhluach maoine réadaí. | |
[EN] | (4) Duine a bheartaíonn achomharc a dhéanamh faoin alt seo i gcoinne measúnachta déanfaidh sé, laistigh de 30 lá tar éis dáta na measúnachta, fógra i scríbhinn a thabhairt do na Coimisinéirí go bhfuil sé chun achomharc a dhéanamh i gcoinne na measúnachta. | |
[EN] | (5) (a) Faoi réir forálacha an ailt seo, beidh feidhm, maidir le hachomharc faoin alt seo, modhnaithe mar is gá, ag na forálacha de na hAchtanna Cánach Ioncaim a bhaineann leis na nithe seo a leanas— | |
[EN] | (i) tráthanna agus ionaid a cheapadh le hachomhairc a éisteacht; | |
[EN] | (ii) fógra a thabhairt do gach duine a thug fógra achomhairc i dtaobh an trátha agus an ionaid a bheidh ceaptha lena achomharc a éisteacht; | |
[EN] | (iii) achomharc a chinneadh trí chomhaontú idir an t-achomharcóir agus oifigeach a bheidh ceaptha ag na Coimisinéirí chuige sin; | |
[EN] | (iv) achomharc a chinneadh tríd an achomharcóir do thabhairt fógra go mbeartaíonn sé gan dul ar aghaidh leis an achomharc; | |
[EN] | (v) achomharc a éisteacht agus a chinneadh ag na Coimisinéirí Achomhairc, lena n-áirítear achomharc a éisteacht agus a chinneadh ag Coimisinéir Achomhairc amháin; | |
[EN] | (vi) achomharc a chinneadh trí dhuine a thug fógra achomhairc d'fhaillí nó do dhiúltú freastal os comhair na gCoimisinéirí Achomhairc an tráth agus san ionad a bheidh ceaptha; | |
[EN] | (vii) fadú na tréimhse le fógra achomhairc a thabhairt agus na Coimisinéirí Achomhairc d'athghlacadh le hachomhairc agus na forálacha a mbeidh feidhm leo i gcás caingean ar mhodh imeachtaí cúirte a bheith tionscanta; | |
[EN] | (viii) achomharc a athéisteacht ag breitheamh den Chúirt Chuarda agus cás a shonrú le tuairim na hArd-Chúirte a fháil ar phointe dlí; | |
[EN] | (ix) cáin a íoc de réir chinneadh na gCoimisinéirí Achomhairc d'ainneoin go gceanglaítear achomharc a athéisteacht ag breitheamh den Chúirt Chuarda nó gur ceanglaíodh cás a shonrú le tuairim na hArd-Chúirte a fháil ar phointe dlí nó go bhfuil cás den sórt sin ar feitheamh; | |
[EN] | (x) na nósanna imeachta le haghaidh achomhairc, | |
[EN] | ionann is dá mba achomharc i gcoinne measúnachta i leith cánach ioncaim an t-achomharc. | |
[EN] | (b) Beidh ag na Coimisinéirí, faoi réir iad do thabhairt fógra i scríbhinn chuige sin don achomharcóir laistigh de dheich lá tar éis do na Coimisinéirí Achomhairc achomharc a chinneadh, an ceart céanna leis an achomharcóir go n-athéistfidh breitheamh den Chúirt Chuarda an t-achomharc. | |
[EN] | (c) An breitheamh den Chúirt Chuarda a athéistfidh achomharc faoin alt seo is breitheamh den Chúirt Chuarda é ar ina chuaird a chónaíonn an t-achomharcóir nó duine de na hachomharcóirí nó (i gcás comhlachta chorpraithe) a bhfuil a phríomh-áit ghnó aige: | |
[EN] | Ar choinníoll— | |
[EN] | (i) in aon chás nach bhfuil cónaí sa Stát ar aon achomharcóir nó (i gcás comhlachta chorpraithe) nach bhfuil áit ghnó sa Stát aige; nó | |
[EN] | (ii) in aon chás ina bhfuil amhras nó díospóid ann maidir leis an gcuaird, | |
[EN] | gur breitheamh den Chúirt Chuarda a bheidh sannta do Chuaird Bhaile Átha Cliath a athéistfidh an t-achomharc. | |
[EN] | (6) (a) I gcás fógra nó doiciméad eile a cheanglaítear nó a údaraítear a sheirbheáil leis an alt seo a bheith le seirbheáil ar chomhlacht corpraithe, seirbheálfar an fógra sin ar rúnaí nó ar oifigeach eile de chuid an chomhlachta chorpraithe. | |
[EN] | (b) Aon fhógra nó doicméad eile a cheanglaítear nó a údaraítear leis an alt seo a sheirbheáil ag na Coimisinéirí nó ag achomharcóir féadfar é a sheirbheáil leis an bpost agus i gcás fógra nó doiciméad eile a dhíreofar chun na gCoimisinéirí cuirfear é go dtí na Rúnaithe, na Coimisinéirí Ioncaim, Caisleán Bhaile Átha Cliath, Baile Átha Cliath 2. | |
[EN] | (c) Aon fhógra nó doiciméad eile a cheanglaítear nó a údaraítear a sheirbheáil ag na Coimisinéirí ar achomharcóir faoin alt seo féadfar é a chur go dtí aturnae, go dtí cuntasóir nó go dtí gníomhaire eile de chuid an achomharcóra agus measfar fógra a seirbheáladh amhlaidh a bheith seirbheáilte ar an achomharcóir mura gcruthóidh an t-achomharcóir chun sástacht na gCoimisinéirí Achomhairc, nó na Cúirte Cuarda, de réir mar a bheidh, go ndearna sé, sular seirbheáladh an fógra nó an doiciméad eile, údarás an aturnae, an chuntasóra nó an ghníomhaire eile sin gníomhú thar a cheann a tharraingt siar. | |
[EN] | (7) Féadfar fianaise prima facie i dtaobh aon fhógra a thug na Coimisinéirí nó oifigeach do na Coimisinéirí faoin alt seo a thabhairt in aon imeachtaí trí dhoiciméad a thabhairt ar aird a airbheartóidh gur cóip den fhógra é agus ní bheidh sé riachtanach cruthúnas a thabhairt ar phost oifigiúil an duine a n-airbheartófar gurb é a thug an fógra ná, má bhíonn sé sínithe, ar an síniú, ná go raibh ag an duine a shínigh agus a thug é údarás sin a dhéanamh. | |
[EN] | (8) (a) Féadfaidh na Coimisinéirí fógra i scríbhinn, a mbeidh tagairt sainráite ann don fho-alt seo, a sheirbheáil ar aon duine a mbeidh cúis acu a chreidiúint go bhfuil sé cuntasach i gcáin a íoc ag insint faoi aon chinneadh a bheidh déanta acu agus a mbeidh baint aige leis an gcáin sin. | |
[EN] | (b) Féadfaidh aon duine a n-inseofar dó faoi chinneadh de réir mhír (a) achomharc i gcoinne an chinnte a dhéanamh chun na gCoimisinéirí Achomhairc. | |
[EN] | (c) Eistfidh agus cinnfidh na Coimisinéirí Achomhairc achomharc chucu faoin bhfo-alt seo ionann is dá mba achomharc chucu é i gcoinne measúnachta i leith cánach, agus beidh feidhm dá réir sin ag na forálacha den alt seo, modhnaithe mar is gá, a bhaineann le hachomharc nó le hathéisteacht achomhairc nó le cás a shonrú chun tuairim na hArd-Chúirte a fháil ar phointe dlí. |