|
|||||
|
Ar Aghaidh (AN SCEIDEAL Na hAchtacháin A Aisghairtear) |
[EN] | ||
Uimhir 18 de 1981 | ||
[EN] |
AN tACHT UM SHAINMHARCÁIL, 1981 | |
[An tiontú oifigiúil] |
ACHT DO LEASÚ AN DLÍ A BHAINEANN LE ÓR AGUS AIRGEAD A MHEISIÚNÚ AGUS A SHAINMHARCÁIL, DO LEATHNÚ AN DLÍ SIN CHUN EARRAÍ PLATANAIM A THABHAIRT FAOINA RÉIM, AGUS DO DHÉANAMH SOCRÚ I dTAOBH NITHE EILE A BHAINEANN LEIS NA NITHE SIN. [2 Meitheamh, 1981] |
ACHTAÍTEAR AG AN OIREACHTAS MAR A LEANAS: | ||
[EN] |
Mínithe. |
1. —San Acht seo— |
[EN] | ciallaíonn “Acht 1913” an Forgery Act, 1913; | |
[EN] | tá le “sainmharc formheasta” an bhrí a shanntar dó le halt 2 den Acht seo; | |
[EN] | ciallaíonn “earraí de mhiotal lómhar” earraí arb éard iad, nó ina bhfuil, ór, airgead nó platanam nó cóimhiotail d'ór, d'airgead nó de phlatanam; | |
[EN] | ciallaíonn “Meisiúnóir” an Meisiúnóir a bheidh ceaptha de thuras na huaire ag an gCuideachta; | |
[EN] | ciallaíonn “an Chairt” an Chairt a deonaíodh don Chuideachta an 22ú lá de Nollaig, 1637; | |
[EN] | ciallaíonn “an Chuideachta” an Chuideachta ar a dtugtar sa Chairt the Wardens and Commonalty of Goldsmiths of the city of Dublin; | |
[EN] | tá le “brionnú” an bhrí chéanna atá le “forgery” in Acht 1913, agus forléireofar focail ghaolmhara dá réir sin; | |
[EN] | tá le “sainmharc idirnáisiúnta” an bhrí a shanntar dó le halt 2(1) (c) den Acht seo; | |
[EN] | tá le “caighdeáin mhíne Éireannacha” an bhrí a shanntar dó le halt 7 den Acht seo; | |
[EN] | ciallaíonn “an tAire” an tAire Tionscail, Tráchtála agus Turasóireachta; | |
[EN] | ciallaíonn “tionscnóir”, i ndáil le hearra de mhiotal lómhar, an duine a dhéanann nó a shaoirsíonn earra den sórt sin nó a dhéileálann ann; | |
[EN] | tá le “marc tionscnóra” an bhrí a shanntar dó le halt 9 den Acht seo. | |
[EN] |
Sainmharcanna formheasta. |
2. —(1) Chun críocha an Achta seo is sainmharc formheasta gach sainmharc díobh seo a leanas— |
[EN] | (a) marc arna bhualadh go dleathach ag an Meisiúnóir, roimh thosach feidhme an Achta seo nó dá éis, de réir rialacháin a rinneadh faoi alt 3 den Acht seo, | |
[EN] | (b) marc arna bhualadh go dleathach in oifig mheisiúnachta sa Ríocht Aontaithe roimh an 21ú lá d'Fheabhra, 1927, | |
[EN] | (c) marc, dá ngairfear “sainmharc idirnáisiúnta”, a bhforordaítear le rialacháin faoi alt 3 den Acht seo gur marc é atá aitheanta ag an Rialtas nó ag an Aire faoi chonradh nó coinbhinsiún idirnáisiúnta inar páirtí an Stát nó an Rialtas agus a bhaineann le miotail lómhara agus ar marc é atá buailte go dleathach— | |
[EN] | (i) ag an Meisiúnóir, nó | |
[EN] | (ii) i dtír seachas an Stát, ach nach marc é dá dtagraítear i mír (b) den fho-alt seo. | |
[EN] | (2) Forléireofar tagairtí sa Chairt do stampaí nó do mharcanna a chuirtear ar ór nó ar airgead mar thagairtí do shainmharcanna formheasta. | |
[EN] |
Rialacháin ag forordú sainmharcanna formheasta. |
3. —(1) Féadfaidh an tAire, tar éis dul i gcomhairle leis an gCuideachta, rialacháin a dhéanamh ag forordú sainmharc formheasta d'earraí de mhiotal lómhar a bheidh sonraithe sna rialacháin nó ag cur marc in ionad marc eile a buaileadh roimh thosach feidhme an Achta seo, agus, ó thosach feidhme na rialachán, beidh feidhm ag na forálacha den Acht seo a bhaineann le sainmharc formheasta maidir le hearraí de mhiotal lómhar a bheidh sonraithe amhlaidh nó le marcanna a cuireadh amhlaidh in ionad marcanna eile. |
[EN] | (2) Féadfaidh rialacháin faoin alt seo marcanna éagsúla a fhorordú d'earraí a monaraíodh sa Stát agus d'earraí a allmhairíodh isteach sa Stát. | |
[EN] | (3) Féadfaidh rialacháin faoin alt seo sainmharc idirnáisiúnta a fhorordú mar shainmharc formheasta. | |
[EN] | (4) Féadfaidh rialacháin faoin alt seo cibé forálacha iarmhartacha nó coimhdeacha a bheith iontu a mheasfaidh an tAire a bheith riachtanach nó inmhianaithe. | |
[EN] |
Sainmharcanna idirnáisiúnta. |
4. —(1) D'ainneoin aon achtachán a ritheadh nó a rithfear roimh thosach feidhme an Achta seo, féadfaidh earra de mhiotal lómhar a monaraíodh sa Stát, de réir mar is rogha leis an tionscnóir, sainmharc idirnáisiúnta dá dtagraítear in alt 2(1) (c) (i) den Acht seo nó marc dá dtagraítear in alt 2 (1) (a) den Acht seo, nó iad araon, a bheith air. |
[EN] | (2) D'ainneoin aon achtachán a ritheadh nó a rithfear roimh thosach feidhme an Achta seo, ní gá aon earra allmhairithe de mhiotal lómhar ar a bhfuil sainmharc idirnáisiúnta dá dtagraítear in alt 2(1) (c) (ii) den Acht seo agus atá i gcomhréir leis na caighdeáin mhíne Éireannacha a mheisiúnú ná a shainmharcáil tuilleadh sa Stát. | |
[EN] | (3) D'ainneoin fho-alt (2) den alt seo, féadfaidh an Meisiúnóir, dá rogha féin, cibé tástálacha a dhéanamh go hamasach nó go tréimhsiúil, de réir mar a mheasfaidh sé is gá nó is inmhianaithe, chun a áirithiú go gcloífear leis na caighdeáin mhíne Éireannacha agus chun brionnú a bhrath. | |
[EN] |
Tuairiscí bréagacha ar earraí áirithe. |
5. —Faoi réir alt 6 den Acht seo, duine a thabharfaidh, i gcúrsa trádála nó gnó, tuairisc ar earra nach earra de mhiotal lómhar, á thabhairt le fios nó á shonrú gur d'ór, d'airgead nó de phlatanam, go hiomlán nó go páirteach, a rinneadh an t-earra sin, nó a sholáthróidh earra den sórt sin ar ar tugadh tuairisc den sórt sin nó a thairgfidh go soláthróidh sé é nó a mbeidh sé ina sheilbh chun a dhíola, beidh sé ciontach i gcion faoi alt 2 den Merchandise Marks Act, 1887, as tuairisc thrádála bhréagach a thabhairt. |
[EN] |
Tuairiscí is incheadaithe ar earraí nach bhfuil sainmharcáilte. |
6. —(1) Ní bhaineann alt 5 den Acht seo le tuairisc is incheadaithe faoin Acht seo. |
[EN] | (2) Is incheadaithe tuairisc faoin Acht seo má chomhlíonann sí na coinníollacha seo a leanas: | |
[EN] | (a) gur le dath an earra agus leis sin amháin, go sainráite nó go hintuigthe, a bhaineann sí; | |
[EN] | (b) más éard í nó más cuid di an focal “ór”, go mbeidh an focal “plátáilte” nó an focal “rollta” mar cháiliú ar an bhfocal sin; | |
[EN] | (c) más éard í nó más cuid di an focal “airgead” nó an focal “platanam”, go mbeidh an focal “plátáilte” mar cháiliú ar cibé focal díobh sin a úsáidfear; | |
[EN] | (d) i gcás gur i scríbhinn a bheidh an tuairisc agus go n-úsáidtear an focal “plátáilte” nó an focal “rollta”, go mbeidh an focal sin chomh mór ar a laghad leis an gcuid eile den tuairisc. | |
[EN] | (3) Ní bheidh feidhm ag fo-alt (2) den alt seo más tuairisc bhréagach an tuairisc nó má thugtar í ar earra a bhfuil an tuairisc neamhoiriúnach dó. | |
[EN] |
Rialacháin ag forordú caighdeán míne. |
7. —(1) Féadfaidh an tAire, tar éis dul i gcomhairle leis an gCuideachta, rialacháin a dhéanamh ag forordú caighdeán míne (dá ngairtear, agus ar a dtugtar san Acht seo, “caighdeáin mhíne Éireannacha”) d'earraí de mhiotal lómhar a bheidh sonraithe sna rialacháin agus do shádair na n-earraí sin. |
[EN] | (2) Ar thosach feidhme rialachán faoin alt seo agus uaidh sin amach déanfar na tagairtí sa Chairt agus in alt 3 den Plate Assay (Ireland) Act, 1807, do chaighdeáin mhíne óir agus airgid agus na tagairtí in alt 22 den Plate Assay Act, 1783, do chaighdeáin mhíne óir a fhorléiriú mar thagairtí do na caighdeáin mhíne Éireannacha atá i gcomhréir leo. | |
[EN] |
Achtacháin áirithe do bhaint le platanam. |
8. —(1) Ó thosach feidhme an Achta seo déanfar gach tagairt d'ór nó d'airgead in achtachán a shonraítear i bhfo-alt (2) den alt seo a fhorléiriú mar thagairt a fholaíonn tagairt do phlatanam. |
[EN] | (2) Is iad na hachtacháin dá dtagraítear i bhfo-alt (1) den alt seo— | |
[EN] | (a) Cairt na Cuideachta, | |
[EN] | (b) an Plate Assay Act, 1783, | |
[EN] | (c) an Customs Act, 1842, | |
[EN] | (d) an Plate Assay (Ireland) Act, 1807, | |
[EN] | (e) alt 10 den Revenue Act, 1883, | |
[EN] | (f) an Hall-marking of Foreign Plate Act, 1904, | |
[EN] | (g) Acht 1913. | |
[EN] |
Marc tionscnóra. |
9. —(1) Faoi réir fho-alt (2) den alt seo, i gcás ina mbeartóidh tionscnóir earra de mhiotal lómhar a chur faoi bhráid an Mheisiúnóra le sainmharc formheasta a bhualadh air, cuirfidh an tionscnóir faoi deara go mbuailfear ar an earra marc suntasach de chuid an tionscnóra (dá ngairtear agus ar a dtugtar “marc tionscnóra” san Acht seo), ar a mbeidh cibé dearadh a cheadóidh an Meisiúnóir. |
[EN] | (2) D'ainneoin fho-alt (1) den alt seo, féadfaidh an Meisiúnóir agus tionscnóir socruithe a dhéanamh faoina mbuailfidh an Meisiúnóir marc an tionscnóra a luaithe is féidir tar éis an t-earra chur faoina bhráid le sainmharc ceadaithe a bhualadh air. | |
[EN] | (3) Coimeádfaidh an Chuideachta clár de mharcanna tionscnóirí a buaileadh ar earraí a cuireadh faoi bhráid an Mheisiúnóra le sainmharc formheasta a bhualadh orthu nó a bhuail an Meisiúnóir faoi fho-alt (2) den alt seo. | |
[EN] | (4) Beidh clárú mairc thionscnóra bailí go ceann deich mbliana ó dháta an chláraithe agus féadfar, ar iarratas chun na Cuideachta, an clárú sin a athnuachan gach deich mbliana. | |
[EN] | (5) Féadfaidh an Chuideachta, le toiliú an Aire, cibé táille a bhaint amach i leith clárú nó athnuachan cláraithe, agus i leith cló a thaifeadadh de dhíslí, de mharcanna nó de phuinseanna tionscnóra, a bheidh sonraithe sa toiliú sin, agus is ar phlátaí nó ar leatháin de phéatar nó de chopar a chuirfidh sí an cló sin de mharcanna nó de phuinseanna. | |
[EN] | (6) Aon chlár de mharcanna tionscnóirí a bheidh á choinneáil ag an gCuideachta agus a bheidh ar marthain ar thosach feidhme an Achta seo, scoirfidh sé de bheith á choinneáil tráth nach déanaí ná sé mhí tar éis an tosach feidhme sin. | |
[EN] |
Srian le halt 59 den Customs Act, 1842. |
10. —Ní bhaineann alt 59 den Customs Act, 1842, le pláta óir nó platanaim nó airgid a dhíol, a mhalartú nó a thaisealbhadh lena dhíol, is pláta a monaraíodh lasmuigh den Stát 100 bliain ar a laghad roimh dháta an allmhairithe. |
[EN] |
Srian le halt 10 den Revenue Act, 1883. |
11. —Ní bhaineann alt 10 den Revenue Act, 1883, le haon ghréithe d'ór, d'airgead nó de phlatanam a allmhaireofar isteach sa Stát tar éis tosach feidhme an Achta seo agus a gcruthófar ina leith chun sástacht na gCoimisinéirí Ioncaim gur monaraíodh é lasmuigh den Stát 100 bliain ar a laghad roimh dháta an allmhairithe. |
[EN] |
Breisiú, etc. ar earraí sainmharcáilte. |
12. —(1) Faoi réir fho-ailt (3) go (5) den alt seo, duine a dhéanfaidh breisiú, athrú nó deisiú ar earra ar a bhfuil sainmharc formheasta, seachas de réir toiliú scríofa ón Meisiúnóir, beidh sé ciontach i gcion faoin alt seo. |
[EN] | (2) Faoi réir fho-alt (3) den alt seo, duine a dhéanfaidh aon sainmharc formheasta a buaileadh ar earra a dhíobhadh, a athrú nó a aghlot, seachas de réir toiliú scríofa ón Meisiúnóir, beidh sé ciontach i gcion faoin alt seo. | |
[EN] | (3) D'ainneoin fho-ailt (1) agus (2) den alt seo, ní cion faoin alt seo earra de mhiotal lómhar a bhatráil chun é a dhéanamh oiriúnach lena athmhonarú agus chuige sin amháin. | |
[EN] | (4) D'ainneoin fho-alt (1) den alt seo, ní cion faoin alt seo breisiú a chur le hearra de mhiotal lómhar nach earra nua más rud é— | |
[EN] | (a) go bhfágtar gan athrú gné an earra agus na críocha chun ar féidir é a úsáid; | |
[EN] | (b) gurb é an miotal lómhar céanna a bheidh sa bhreisiú agus san earra féin; | |
[EN] | (c) go mbeidh míne sa mhiotal a cuireadh mar bhreisiú leis an earra nach lú ná caighdeán míne Éireannach an earra de thuras na huaire; | |
[EN] | agus | |
[EN] | (d) nach mó an méid miotail a cuireadh mar bhreisiú leis ná an ceann is lú díobh seo a leanas— | |
[EN] | (i) 1 ghram amháin óir, 5 ghram airgid nó 0.5 gram platanaim (de réir mar is iomchuí); | |
[EN] | (ii) 50 faoin gcéad den mheáchan a bhí san earra díreach sular cuireadh an breisiú leis. | |
[EN] | (5) Ní cion faoin alt seo coirt nach mó ná 2 mhicriméadar ar tiús ag aon phointe a chur le hiomlán aon earrá díobh seo a leanas nó le haon chuid d'earra den sórt sin— | |
[EN] | (a) earra óir, más amhlaidh don choirt gur d'ór nach 1ú míne ná an caighdeán míne Éireannach de thuras na huaire don earra; | |
[EN] | (b) earra airgid, más amhlaidh don choirt gur d'airg ad í nach lú míne ná an caighdeán míne Éireannach de thuras na huaire nó | |
[EN] | (c) earra airgid, más amhlaidh don choirt gur d'ór í nach lú míne ná an caighdeán míne Éireannach íosta; | |
[EN] | (d) earra óir, airgid nó platanaim, más de róidiam an choirt. | |
[EN] | (6) Le linn aon toiliú a bheith á thabhairt faoi fho-alt (1) nó (2) den alt seo, féadfaidh an Meisiúnóir é a chur de choinníoll lena thoiliú go bhféadfar an t-earra nó aon bhreisiú a chuirfear leis a mheisiúnú tuilleadh agus marc an tionscnóra agus cibé sainmharcanna formheasta a bheidh sonraithe i rialacháin arna ndéanamh ag an Aire a bhualadh air. | |
[EN] | (7) Duine atá ciontach i gcion faoin alt seo dlífear ar é a chiontú go hachomair fíneáil nach mó ná £500 nó, de rogha na cúirte, príosúnacht ar feadh téarma nach faide ná dhá mhí dhéag, nó iad araon, a chur air. | |
[EN] |
Pionóis mar gheall ar dhíslí agus stampaí áirithe a bhrionnú, etc. |
13. —(1) D'ainneoin aon ní in Acht 1913, is é an pionós mar gheall ar bhrionnú faoi alt 5(4) (b) d'Acht 1913, i gcás ciontú achomair, fíneáil nach mó ná £500 nó, de rogha na cúirte, príosúnacht ar feadh téarma nach faide ná dhá mhí dhéag, nó iad araon, agus, i gcás ciontú ar díotáil, fíneáil nach mó ná £5,000 nó, de rogha na cúirte, príosúnacht ar feadh téarma nach faide ná cúig bliana, nó iad araon. |
[EN] | (2) D'ainneoin aon ní in Acht 1913, is é an pionós mar gheall ar chion faoi alt 8(2) (a) d'Acht 1913, i gcás ciontú achomair, fíneáil nach mó ná £500 nó, de rogha na cúirte, príosúnacht ar feadh téarma nach faide ná dhá mhí dhéag, nó iad araon, agus, i gcás ciontú ar díotáil, fíneáil nach mó ná £5,000 nó, de rogha na cúirte, príosúnacht ar feadh téarma nach faide ná cúig bliana, nó iad araon. | |
[EN] | (3) D'ainneoin aon ní sa Plate Assay (Ireland) Act, 1807, nó in aon achtachán eile, is é an pionós mar gheall ar fheileonacht faoi alt 16 den Acht sin nó mar gheall ar aon chion eile faoin alt sin, i gcás ciontú achomair, fíneáil nach mó ná £500 nó, de rogha na cúirte, príosúnacht ar feadh téarma nach faide ná dhá mhí dhéag, nó iad araon, agus, i gcás ciontú ar díotáil, fíneáil nach mó ná £5,000 nó, de rogha na cúirte, príosúnacht ar feadh téarma nach faide ná cúig bliana, nó iad araon. | |
[EN] | (4) Folóidh na tagairtí in Acht 1913 do dhíslí codanna de dhísle. | |
[EN] |
An Chuideachta do ghearradh táillí. |
14. —Féadfaidh an Chuideachta cibé táillí a cheadóidh an tAire ó am go ham a ghearradh i leith earraí de mhiotail lómhara a mheisiúnú agus sainmharcanna formheasta a bhualadh orthu is earraí a cuireadh faoi bhráid an Mheisiúnóra lena meisiúnú agus lena mbualadh. |
[EN] |
Aisghairm. |
15. —Déantar leis seo gach achtachán a luaitear i gcolún (2) den Sceideal a ghabhann leis an Acht seo a aisghairm a mhéid a shonraítear i gcolún (3) den Sceideal sin. |
[EN] |
Rialacháin a leagan faoi bhráid Thithe an Oireachtais. |
16. —Gach rialachán a dhéanfar faoin Acht seo leagfar é faoi bhráid gach Tí den Oireachtas a luaithe is féidir tar éis a dhéanta agus, má dhéanann ceachtar Teach acu sin laistigh den 21 lá a shuífidh an Teach sin tar éis an rialachán a leagan faoina bhráid rún a rith ag neamhniú an rialacháin, beidh an rialachán ar neamhní dá réir sin, ach sin gan dochar do bhailíocht aon ní a rinneadh roimhe sin faoin rialachán. |
[EN] |
Caiteachais. |
17. —Déanfar na caiteachais a thabhóidh an tAire ag riaradh an Achta seo a íoc a mhéid a cheadóidh an tAire Airgeadais, as airgead a sholáthróidh an tOireachtas. |
[EN] |
Gearrtheideal agus tosach feidhme. |
18. —(1) Féadfar an tAcht um Shainmharcáil, 1981 , a ghairm den Acht seo. |
[EN] | (2) Tiocfaidh an tAcht seo i ngníomh cibé lá a cheapfaidh an tAire le hordú. |