|
|||||
|
An Chéad Lch. | Lch. Roimhe Seo (CUID VII Oibrithe Fiaclóireachta Cúnta) | Ar Aghaidh (AN CHÉAD SCEIDEAL Rialacha I nDáil Le Comhaltas agus Cruinnithe na Comhairle Fiaclóireachta (The Dental Council)) |
ACHT NA bhFIACLÓIRÍ, 1985
[EN] | ||
[EN] |
CUID VIII Ilghnéitheach | |
[EN] |
Comhshocraíochtaí le daoine le cabhrú leis an gComhairle. |
56. —(1) Féadfaidh an Chomhairle comhshocraíochtaí a dhéanamh agus a chomhlíonadh le haon duine nó comhlacht le cabhrú leis an gComhairle nó le haon choiste dá cuid chun aon chuid dá feidhmeanna a fheidhmiú go cuí. |
[EN] |
Tuarascáil ón gComhairle. |
57. —Déanfaidh an Chomhairle, a luaithe is féidir tar éis dheireadh gach bliana a mbeidh sí in oifig, tuarascáil a ullmhú agus a fhoilsiú ar a cuid imeachtaí faoin Acht seo le linn na bliana roimhe sin. |
[EN] |
Cláir a fhoilsiú. |
58. —(1) Déanfaidh an Chomhairle cóipeanna d'aon chlár a bheidh á chothabháil aici a chló, a fhoilsiú agus a chur ar díol ag tréimhsí nach faide ná cúig bliana agus, gach bliain idir eatarthu, déanfaidh an Chomhairle forlíonadh do gach clár den sórt sin a chló, a fhoilsiú agus a chur ar díol. |
[EN] | (2) Déanfaidh príomh-oifigeach feidhmiúcháin boird sláinte an chóip is déanaí a foilsíodh de gach clár a bheidh á chothabháil ag an gComhairle agus aon fhorlíontaí de a chur ar fáil, gach tráth, lena n-iniúchadh ag aon duine, le linn uaireanta an chloig oifige, i gceanncheathrú aon bhoird sláinte a bunaíodh faoi fhorálacha an Achta Sláinte, 1970 . | |
[EN] |
Tagairtí d'fhiaclóirí cláraithe a fhorléiriú. |
59. —Déanfar gach tagairt d'fhiaclóir cláraithe in aon achtachán nó in aon ionstraim reachtúil a fhorléiriú mar thagairt do dhuine atá cláraithe sa chlár. |
[EN] |
Feidhmeanna i ndáil le Treoracha lenar ghlac Comhairle na gComhphobal Eorpach. |
60. —Comhlíonfaidh an Chomhairle cibé feidhmeanna a shannfaidh an tAire di ó am go ham i ndáil le haon Rialachán, Treoir nó Cinneadh lenar ghlac Comhairle na gComhphobal Eorpach nó a rinne sí, agus a bhaineann le cleachtadh na fiaclóireachta, a chur i ngníomh. |
[EN] |
Feidhmeanna breise a shannadh don Chomhairle. |
61. —(1) Comhlíonfaidh an Chomhairle cibé feidhmeanna a shannfaidh an tAire le hordú di is feidhmeanna de bhreis ar na feidhmeanna a shanntar di leis an Acht seo i ndáil le hoideachas fiaclóireachta nó le hoiliúint fhiaclóireachta nó le nithe eile a bhaineann le cleachtadh na fiaclóireachta agus leis na daoine a bhíonn ag gabháil don chleachtadh sin. |
[EN] | (2) Féadfaidh an tAire ordú faoin alt seo, lena n-áirítear ordú faoin bhfo-alt seo, a leasú nó a chúlghairm. | |
[EN] | (3) Leagfar gach ordú faoin alt seo faoi bhráid gach Tí den Oireachtas a luaithe is féidir tar éis a dhéanta agus, má dhéanann ceachtar Teach den Oireachtas, laistigh den lá is fiche a shuífidh an Teach sin tar éis an t-ordú a leagan faoina bhráid, rún a rith ag neamhniú an ordaithe, beidh an t-ordú ar neamhní dá réir sin, ach sin gan dochar do bhailíocht aon ní a rinneadh roimhe sin faoin ordú. | |
[EN] |
Tagairtí in achtacháin etc. do Bhord na bhFiaclóirí. |
62. —Déanfar gach tagairt do Bhord na bhFiaclóirí atá in aon achtachán eile nó in aon ionstraim reachtúil a fhorléiriú mar thagairt don Chomhairle. |
[EN] |
Rialacháin. |
63. —(1) Féadfaidh an tAire rialacháin a dhéanamh chun éifeacht a thabhairt d'aon cheann d'fhorálacha an Achta seo. |
[EN] | (2) Gach rialachán a dhéanfar faoin Acht seo, seachas rialachán a dhéanfar faoi alt 9 (3) den Acht seo, leagfar é faoi bhráid gach Tí den Oireachtas a luaithe is féidir tar éis a dhéanta agus má dhéanann ceachtar Teach den Oireachtas, laistigh den lá is fiche a shuífidh an Teach sin tar éis an rialachán a leagan faoina bhráid, rún a rith ag neamhniú an rialacháin, beidh an rialachán ar neamhní dá réir sin, ach sin gan dochar do bhailíocht aon ní a rinneadh roimhe sin faoin rialachán. | |
[EN] |
Rialacháin maidir le hoiriúnuithe. |
64. —Féadfaidh an tAire, le rialacháin, maidir le haon reacht, ordú nó rialachán a bheidh i bhfeidhm tráth rite an Achta seo agus a bhaineann le haon ábhar nó ní lena ndéileálann an tAcht seo nó a ndéanann an tAcht seo difear dó, aon oiriúnú nó modhnuithe a dhéanamh is dóigh leis is gá chun go bhféadfaidh éifeacht i gcomhréir leis an Acht seo a bheith leis an reacht, leis an ordú nó leis an rialachán sin. |
[EN] |
Comhaontú do leanúint i bhfeidhm. |
65. —(1) D'ainneoin na haisghairme ar Acht na bhFiaclóirí, 1928 , a dhéantar leis an Acht seo, leanfaidh an comhaontú a shonraítear sa Chéad Sceideal a ghabhann leis an Acht sin de lánfheidhm agus de lánéifeacht a bheith leis go dtí go ndéanfaidh an tAire, le hordú faoin alt seo, a dhearbhú go scoirfidh an comhaontú sin a dúradh d'éifeacht a bheith leis de bhun comhaontaithe idir an Rialtas agus Rialtas na Ríochta Aontaithe. |
[EN] | (2) Féadfaidh cibé forálacha foghabhálacha, forlíontacha agus iarmhartacha, a mheasfaidh an tAire is gá, a bheith in ordú a dhéanfaidh an tAire faoin alt seo. | |
[EN] | (3) Ní dhéanfaidh aon ní san Acht seo ná sa chomhaontú dár tagraíodh den chéad uair i bhfo-alt (1) den alt seo teideal a thabhairt do dhuine atá cláraithe sa liosta Comhlathais nó coigríche den chlár a chothabhálann General Dental Council na Ríochta Aontaithe a bheith cláraithe sa chlár. | |
[EN] |
Feidhmeanna comhairleacha ginearálta na Comhairle. |
66. —(1) Is feidhm de chuid na Comhairle an tAire a chomhairliú, ar iarratas ón Aire nó ar a tionscnamh féin, i dtaobh na n-ábhar ar fad a bhaineann leis na feidhmeanna a shanntar don Chomhairle faoin Acht seo. |
[EN] | (2) Is feidhm de chuid na Comhairle treoir a thabhairt do ghairm na fiaclóireachta i gcoitinne i dtaobh na n-ábhar ar fad a bhaineann le hiompar eiticiúil. | |
[EN] | (3) Is feidhm de chuid na Comhairle eolas a thabhairt don phobal i dtaobh na n-ábhar ar fad is díol suime i gcoitinne a bhaineann le feidhmeanna na Comhairle lena n-áirítear aon treoirlínte a eiseoidh an Chomhairle faoi fho-alt (2) den alt seo i ndáil le hiompar eiticiúil. | |
[EN] |
Cionta i ndáil le cláir. |
67. —(1) Is cion ag duine aon dearbhú bréagach a dhéanamh nó aon mhífhaisnéis a thabhairt chun clárú a fháil in aon chlár a bheidh á chothabháil ag an gComhairle nó cabhrú agus neartú le haon dearbhú bréagach den sórt sin a dhéanamh nó aon mhífhaisnéis den sórt sin a thabhairt. |
[EN] | (2) Duine a dhéanfaidh gníomh is sárú ar fho-alt (1) den alt seo dlífear, ar é a chiontú go hachomair, fíneáil nach mó ná £1,000 nó, de rogha na Cúirte, príosúnacht ar feadh téarma nach faide ná dhá mhí dhéag, nó an fhíneáil sin agus an phríosúnacht sin le chéile, a chur air. | |
[EN] | (3) D'ainneoin fhorálacha alt 10 (4) den Petty Sessions (Ireland) Act, 1851, féadfar imeachtaí i leith ciona faoin alt seo a thionscnamh tráth ar bith laistigh de dhá bhliain ó thráth déanta an chiona. | |
[EN] |
Cionta a ionchúiseamh. |
68. —Féadfaidh an Chomhairle gach cion faoin Acht seo a ionchúiseamh. |