|
|||||
|
An Chéad Lch. | Lch. Roimhe Seo (CUID I Réamhráiteach) | Ar Aghaidh (CUID III Árachas Sóisialach do Dhaoine Féinfhostaithe) |
AN tACHT LEASA SHÓISIALAIGH, 1988
[EN] | ||
[EN] |
CUID II Méaduithe | |
[EN] |
Sochair árachais shóisialaigh (rátaí nua). |
3. —(1) Leasaítear leis seo an Príomh-Acht trí na Codanna atá leagtha amach i Sceideal A a ghabhann leis an Acht seo a chur in ionad Chodanna I go IV (a cuireadh isteach le halt 2 d'Acht 1987) den Dara Sceideal a ghabhann leis an Acht sin. |
[EN] | (2) Tiocfaidh an t-alt seo i ngníomh— | |
[EN] | (a) a mhéid a bhaineann sé le sochar dífhostaíochta, an 21ú lá d'Iúil, 1988, | |
[EN] | (b) a mhéid a bhaineann sé le sochar míchumais, le liúntas máithreachais, le sochar díobhála, le haisce mhíthreorach agus le pinsean míthreorach, an 25ú lá d'Iúil, 1988, | |
[EN] | (c) a mhéid a bhaineann sé le sochar banchéile thréigthe, le pinsean easláine agus le pinsean scoir, an 28ú lá d'Iúil, 1988, agus | |
[EN] | (d) a mhéid a bhaineann sé le sochar báis faoi alt 50, 51 nó 52 den Phríomh-Acht, le pinsean seanaoise (ranníocach), le pinsean baintrí (ranníocach) agus le liúntas dílleachta (ranníocach), an 29ú lá d'Iúil, 1988. | |
[EN] |
Íocaíochtaí cúnaimh shóisialaigh (rátaí nua). |
4. —(1) Leasaítear leis seo an Príomh-Acht trí na Codanna atá leagtha amach i Sceideal B a ghabhann leis an Acht seo a chur in ionad Chodanna I agus III (a cuireadh isteach le halt 3 d'Acht 1987) den Cheathrú Sceideal a ghabhann leis an Acht sin. |
[EN] | (2) Tiocfaidh an t-alt seo i ngníomh— | |
[EN] | (a) a mhéid a bhaineann sé le cúnamh dífhostaíochta, an 20ú lá d'Iúil, 1988, | |
[EN] | (b) a mhéid a bhaineann sé le liúntas banchéile thréigthe, le liúntas banchéile príosúnaigh, le liúntas cúnaimh shóisialaigh agus le liúntas do bhean shingil, an 28ú lá d'Iúil, 1988, | |
[EN] | (c) a mhéid a bhaineann sé le pinsean seanaoise, le pinsean dall, le pinsean baintrí (neamhranníocach) agus le pinsean dílleachta (neamhranníocach), an 29ú lá d'Iúil, 1988, agus | |
[EN] | (d) a mhéid a bhaineann sé le liúntas leasa forlíontach, an 25ú lá d'Iúil, 1988. | |
[EN] |
Forlíonadh ar Ioncam Teaghlaigh. |
5. —(1) Déantar leis seo alt 232B (a cuireadh isteach le halt 13 den Acht Leasa Shóisialaigh, 1984 ) den Phríomh-Acht a leasú— |
[EN] | (a) trí “£108” a chur in ionad “£104” (a cuireadh isteach le halt 4 d'Acht 1987), i mír (a), agus | |
[EN] | (b) tríd an mír seo a leanas a chur in ionad mhír (b) (arna leasú leis an alt sin 4): | |
[EN] | “(b) i gcás teaghlach a bhfuil níos mó ná aon leanbh amháin ar áireamh ann, £108— | |
[EN] | (i) arna mhéadú de £23 in aghaidh gach linbh sa bhreis suas go dtí an cúigiú leanbh agus an cúigiú leanbh a áireamh, nó | |
[EN] | (ii) arna mhéadú de cibé méideanna a bheidh forordaithe in aghaidh gach linbh sa bhreis suas go dtí cibé líon leanaí a bheidh forordaithe agus an líon leanaí sin a áireamh.”. | |
[EN] | (2) Déantar leis seo alt 232C (2) (a cuireadh isteach le halt 13 den Acht Leasa Shóisialaigh, 1984 ) den Phríomh-Acht a leasú tríd an mír seo a leanas a chur in ionad mhír (b) (arna leasú le halt 4 d'Acht 1987): | |
[EN] | “(b) i gcás teaghlach a bhfuil níos mó ná aon leanbh amháin ar áireamh ann, £16— | |
[EN] | (i) arna mhéadú de £7 in aghaidh gach linbh sa bhreis suas go dtí an cúigiú leanbh agus an cúigiú leanbh a áireamh, nó | |
[EN] | (ii) arna mhéadú de cibé rátaí a bheidh forordaithe in aghaidh gach linbh sa bhreis suas go dtí cibé líon leanaí a bheidh forordaithe agus an líon leanaí sin a áireamh.”. | |
[EN] | (3) Bainfidh fo-alt (1) den alt seo le haon éileamh le haghaidh forlíonadh ar ioncam teaghlaigh a fhaightear an 28ú lá d'Iúil, 1988, nó dá éis. | |
[EN] |
Ranníocaí árachais shóisialaigh pá-choibhneasa (méadú ar an uasteorainn tuillimh). |
6. —(1) Leasaítear leis seo alt 10 (1) den Phríomh-Acht tríd an mír seo a leanas a chur in ionad mhír (c) (a cuireadh isteach le halt 5 d'Acht 1987): |
[EN] | “(c) I gcás go raibh, i mbliain ranníoca áirithe, suim £16,200 de thuilleamh ináirithe ag ranníocóir fostaithe agus gur íocadh ranníocaí faoi mhír (b) i leith an tuillimh ináirithe sin, ní bheidh aon ranníoc eile den sórt sin iníoctha i leith aon tuillimh ináirithe de chuid an ranníocóra fhostaithe sin an bhliain ranníoca sin.”. | |
[EN] | (2) Tiocfaidh an t-alt seo i ngníomh an 6ú lá d'Aibreán, 1988. | |
[EN] |
Ranníocaí fostaíochta. |
7. —(1) Leasaítear leis seo alt 65 den Phríomh-Acht trí “0.5 faoin gcéad” a chur in ionad “0.43 faoin gcéad” (a cuireadh isteach le halt 7 d'Acht 1986), i míreanna (a) (ii) agus (b) d'fho-alt (2). |
[EN] | (2) Tiocfaidh an t-alt seo i ngníomh an 6ú lá d'Aibreán, 1988. | |
[EN] |
Sochar pá-choibhneasa. |
8. —(1) Leasaítear leis seo alt 73 (a cuireadh isteach le halt 7 d'Acht 1987) den Phríomh-Acht trí “£66” a chur in ionad “£62”. |
[EN] | (2) Beidh éifeacht leis an alt seo i ndáil le haon tréimhse bhearnaithe fostaíochta dar tosach an 4ú lá d'Aibreán, 1988, nó dá éis. | |
[EN] |
Leasú ar alt 15 den Phríomh-Acht (rialacháin le haghaidh ranníocaí, etc.). |
9. —Leasaítear leis seo alt 15 (1) den Phríomh-Acht tríd an mír seo a leanas a chur isteach i ndiaidh mhír (c): |
[EN] | “(cc) ús a bheidh dlite ar riaráistí ranníocaí fostaíochta a tharscaoileadh.”. |