Uimhir 9/1948: AN tACHT UM NA CONNAUGHT RANGERS (PINSIN), 1948

9 1948

[EN]

		Uimhir 9 de 1948.

[EN]		AN tACHT UM NA CONNAUGHT RANGERS (PINSIN), 1948.

ACHT DO LEASÚ AN ACHTA UM NA CONNAUGHT RANGERS (PINSIN), 1936 . [30ú Meitheamh, 1948.]

ACHTAÍTEAR AG AN OIREACHTAS MAR LEANAS:—

[EN]

An Príomh-Acht.

1. —San Acht seo, ciallaíonn an abairt “an Príomh-Acht” an tAcht um na Connaught Rangers (Pinsin), 1936 ( Uimh. 37 de 1936 ).

[EN]

Alt 18 (1) den Phríomh-Acht a leasú.

2. —(1) Beidh éifeacht ag fo-alt (1) d'alt 18 den Phríomh-Acht amhail is dá gcuirtí an méid seo a leanas in ionad an Tríú Sceidil a ghabhas leis an Acht sin:—

[EN]

“AN TRIU SCEIDEAL.

[EN]

Rialacha chun an Méid de Phinsin Seirbhíse a Cuirfear ar Fionraí a Ríomh.

[EN]

1. Faoi réir forál Rialach 2 den Sceideal seo, is mar leanas a bheas an méid ina gcuirfear íoc pinsin seirbhíse ar fionraí faoi alt 18 den Acht seo, i gcás an duine a bheas ag fáil an phinsin sin a bheith ag fáil aon luach saothair, pinsin (seachas pinsean créachta nó pinsean míchumais) nó liúntais is iníoctha as airgead poiblí:—

[EN]

Má bhíonn méid bliantúil an luach saothair, an phinsin nó an liúntais is iníoctha as airgead poiblí—

A.	Gan bheith thar £250				Nil.
B.	Thar	£250	ach gan bheith thar	£300	10%
C.	,,	£300	,, ,, ,, ,,	£350	15%
D.	,,	£350	,, ,, ,, ,,	£400	20%
E.	,,	£400	,, ,, ,, ,,	£450	25%
F.	,,	£450	,, ,, ,, ,,	£500	30%
G.	,,	£500	,, ,, ,, ,,	£550	40%
H.	,,	£550	,, ,, ,, ,,	£600	50%
I.	,,	£600	,, ,, ,, ,,	£700	60%
J.	,,	£700	,, ,, ,, ,,	£800	70%
K.	,,	£800	,, ,, ,, ,,	£900	80%
L.	,,	£900	,, ,, ,, ,,	£1,000	90%
M.	,,	£1,000			100%

[EN]

2. I gcás iomlán an mhéid is iníoctha le duine ar bith as airgead poiblí agus an méid is iníoctha leis an duine sin i leith pinsin seirbhíse laistigh de na teoranta a sonraítear ag B, C, D, E, F, G, H, I, J, K, L nó M de Riail 1 den Sceideal seo a bheith níos lú, faoi théarmaí na Rialach sin, ná an méid a gheobhadh an duine sin i gcás an méid is iníoctha leis as airgead poiblí a bheith comh-mhéid le maximum na teorann díreach roimhe sin, ansin, agus i ngach cás den tsórt sin déanfar an méid a cuirfear ar fionraí dá phinsean seirbhíse a laghdú i dtreo nach mbeidh iomlán an mhéid is iníoctha leis as airgead poiblí agus a phinsin seirbhíse níos lú ná an t-iomlán a gheobhadh sé dá mbeadh an méid is iníoctha as airgead poiblí comhmhéid le maximum na teorann díreach roimhe sin.”

[EN]

(2) Is tuigthe fo-alt (1) den alt seo a theacht i ngníomh an 1ú lá d'Aibreán, 1945, agus beidh éifeacht aige amhail ar an lá sin agus ón lá sin amach.

[EN]

Gearrtheideal agus comhlua.

3. —(1) Féadfar an tAcht um na Connaught Rangers (Pinsin), 1948, a ghairm den Acht seo.

[EN]

(2) Féadfar na hAchta um na Connaught Rangers (Pinsin), 1936 agus 1948, a ghairm den Phríomh-Acht agus den Acht seo le chéile.