|
||||
|
[EN] | ||
Uimhir 7 de 1971 | ||
[EN] |
AN tACHT UM THIONSCAIL NA GAELTACHTA (LEASÚ), 1971 |
ACHT DO LEASÚ AGUS DO LEATHNÚ NA nACHTANNA UM THIONSCAIL NA GAELTACHTA, 1957 GO 1968. | ||
[7 Aibreán, 1971.] |
ACHTAÍTEAR AG AN OIREACHTAS MAR A LEANAS: | ||
[EN] |
Mínithe. |
1. —San Acht seo— |
[EN] | ciallaíonn “Acht 1965” an tAcht um Thionscail na Gaeltachta (Leasú), 1965 ; | |
[EN] | ciallaíonn “an Bord” Gaeltarra Éireann; | |
[EN] | tá le “údarás áitiúil” an bhrí chéanna atá leis in alt 2 den Acht Rialtais Áitiúil, 1941 ; | |
[EN] | ciallaíonn “an Príomh-Acht” an tAcht um Thionscail na Gaeltachta, 1957 . | |
[EN] |
Leasú ar alt 4 den Phríomh-Acht. |
2. —Déantar leis seo alt 4 (4) den Phríomh-Acht (arna leasú leis an Acht um Thionscail na Gaeltachta (Leasú), 1968 ) a leasú— |
[EN] | (a) trí “, gan í a dhul thar dheich míle punt,” a scriosadh as mír (bii), agus | |
[EN] | (b) trí “nó ón Údarás Forbartha Tionscail” a chur isteach sa mhír sin i ndiaidh “ón bhForas Tionscal”. | |
[EN] |
Leasú ar alt 5 den Phríomh-Acht. |
3. —Déantar leis seo alt 5 den Phríomh-Acht (arna leasú le hAcht 1965) a leasú— |
[EN] | (a) trí “agus duine eile ina stiúrthóir bainistí” a scriosadh as fo-alt (1), agus | |
[EN] | (b) trí “, stiúrthóir bainistí” a scriosadh as fo-alt (2). | |
[EN] |
Leasú ar alt 26 den Phríomh-Acht. |
4. —Déantar leis seo alt 26 (1) den Phríomh-Acht a leasú trí “sé mhilliún punt” a chur in ionad “dhá mhilliún punt” (a cuireadh isteach le hAcht 1965). |
[EN] |
Rátaí a mhaitheamh. |
5. —(1) I gcás— |
[EN] | (a) áitreabh do ghnóthas tionscail a thógáil, a mhéadú nó a fheabhsú tar éis an 20ú lá d'Iúil, 1965, agus | |
[EN] | (b) an Bord a dheimhniú an tógáil, an méadú nó an feabhsú a bheith arna dhéanamh ag an mBord nó a bheith ina ábhar do chúnamh airgid ón mBord, | |
[EN] | féadfaidh údarás áitiúil, más cuí leo é— | |
[EN] | (i) dhá thrian a mhaitheamh de ráta is intoibhithe acu i leith aon áitreabh a tógadh amhlaidh, nó | |
[EN] | (ii) dhá thrian a mhaitheamh d'aon ráta breise is intoibhithe acu i leith aon mhéadú nó feabhsú den sórt sin. | |
[EN] | (2) Beidh éifeacht, faoi réir fho-alt (3) den alt seo, ag an maitheamh i leith na bliana airgeadais áitiúla díreach i ndiaidh na bliana airgeadais áitiúla inar críochnaíodh an tógáil, an méadú nó an feabhsú agus i leith gach ceann de na naoi mbliana airgeadais áitiúla díreach ina dhiaidh sin. | |
[EN] | (3) Má dheimhníonn an Bord, in aon bhliain airgeadais áitiúil, nár chomhlíon an gnóthas na téarmaí ar ar soláthraíodh cúnamh airgid, ní bheidh éifeacht ag an maitheamh i leith na bliana airgeadais áitiúla sin. | |
[EN] | (4) Ní dheonófar maitheamh níos mó ná uair amháin i leith aon tógáil, méadú nó feabhsú áirithe. | |
[EN] | (5) I gcás gan luacháil ar leithligh a bheith déanta, faoi na hAchtanna Luachála, ar áitreabh, féadfaidh an Coimisinéir Luachála, ar iarratas ón mBord, an méid is cuí leis de luacháil inrátaithe na maoine ar cuid di an t-áitreabh a chionroinnt ar an áitreabh. | |
[EN] | (6) Is feidhmeanna forcoimeádta chun críocha na n Acht um Bainistí Chontae, 1940 go 1955, na cumhachtaí a thugtar d'údarás áitiúil leis an alt seo. | |
[EN] |
Gearrtheideal agus comhlua. |
6. —(1) Féadfar an tAcht um Thionscail na Gaeltachta (Leasú), 1971 , a ghairm den Acht seo. |
[EN] | (2) Féadfar na hAchtanna um Thionscail na Gaeltachta, 1957 go 1971, a ghairm de na hAchtanna um Thionscail na Gaeltachta, 1957 go 1968, agus den Acht seo le chéile. |